دماغی حالت مراسلہ محمود غزنوی

شوھرِ نامدار کو بیوی کی دماغی حالت پر شبہ تھا. لہذا دماغی امراض کے بہت ھی مقبول ڈاکٹر سے ٹائم لیا اور بیوی کو لے کر پہنچے…..
جی بی بی….
کیا مسئلہ ھے؟
ڈاکٹر صاحب!! یہ تو آپ نے بتانا ھے نا؟
ڈاکٹر کچھ دیر کے لیئے خاموش ھوا…
اور پھر ھوش سنبھالتے ھوئے گویا ھوئے….
اچھا تو یہ بتائیں کہ کیا مصروفیات ھیں آپکی؟
میرا مطلب ھے سارا دن کیسے بتاتی ھیں؟
ڈاکٹر صاحب!
گھریلو کام کاج میں ھی گزرتا ھے گھر میں شوھر ھیں….. انکی والدہ ھیں….. ھمارے بچے ھیں گھر بار کو دیکھنا….. سارا دن ایسے ھی گزرتا ھے جی…..
اسکے علاوہ کیا مشاغل ھیں؟
بس سر! تھوڑا بہت لکھنے کا شوق ھے…
اوھو… تو میں اس وقت ایک لکھاری سے بات کر رھا ھوں…..
نہیں سر! لکھاری کہاں.. میری تو دماغی حالت ھی سہی نہیں تو…….
اچھا… یہ بتائیں زیادہ تر کیا لکھتی ہیں؟ یعنی کن موضوعات پر لکھنا پسند ھے؟
ایسا کچھ خاص تو نہیں بس عام فہم سا لکھتی ھوں… ھلکی پھلکی تحریریں…. جو سامنے بیت رھا ھو…. جو دیکھ رھی ھوتی ھوں….. بس اسی پہ قلم چل جاتا ھے….
مثال کے طور پر…..
یہ آپکی میز پر آدھا بھرا ھوا گلاس پڑا ھے… تو اسی پر ھی لکھ دوں گی…. کہ ایک ڈاکٹر کی میز پر پانی کا گلاس پڑا ھوا تھا جو کہ ڈھکا ھوا نہیں تھا اور میرے سامنے دو مرتبہ اسکے اوپر مکھی بیٹھی جس کو ڈاکٹر نے ھاتھ مار کر اڑایا…. اور پھر کچھ دیر بعد وھی پانی اٹھا کر پی لیا تھا….
یا پھر ایسے بھی لکھ سکتی ھوں کہ میں دماغی امراض کے ڈاکٹر کے کلینک پر گئ تو اس نے میرے سامنے آدھا پیا ھوا سگریٹ ایش ٹرے میں رگڑ کر بجھایا…. تو میں سوچنے لگی…. یہ ڈاکٹر دماغ کا علاج کرتا ھے تو یقیناً دل اور سانس کی بیماریوں سے بھی واقف ھو گا لیکن اسکے باوجود سگریٹ پیتا ھے جبکہ اسکو سگریٹ کے نقصان بھی معلوم ھوں گے…. تو پھر اسکا مطلب تو یہ ھوا کہ اسکا تو اپنا دماغ کام نہیں کرتا…. تو یہ میرا علاج کیا کرئے گا…..
بس ڈاکٹر صاحب! ایسی ھی چھوٹی چھوٹی تحریریں لکھتی رھتی ھوں……
اور…..
اب….
ڈاکٹر….
شوھر کا بغور جائزہ لے رہا ھے.😁😊😂