*میری داستانِ حسرت وہ سُنا سنا کے روئے*
*مجھے آزمانے والے مجھے آزما کے روئے*
*کوئی ایسا اہلِ دل ہو کہ افسانہ محبت*
*میں اُسے سنا کے روؤں وہ مجھے سنا کے روئے*
*مِری آرزو کی دنیا دلِ ناتواں کی حسرت*
*جسے کھو کے شادماں تھے اسے آج پا کے روئے*
*تِری بے وفائیوں پر، تِری کج ادائیوں پر*
*کبھی سَر جھکا کے روئے کبھی مُنہ چھپا کے روئے*
*جو سُنائی انجمن میں شبِ غم کی آپ بیتی*
*کئی رو کے مُسکرائے، کئی مسکرا کے روئے*
*میرے پاس سے وہ گزرے میرا حال تک نہ پوچھا*
*میں یہ کیسے مان جاؤں کہ وہ دور جا کے روئے*
*کہیں سیف راستے میں وہ ملے تو اس سے کہنا*
*میں اداس ہوں اکیلا وہ میرے پاس آ کے روئے*
*(سیف الدین سیف)*