” مجھ سے پہلے ” احمد فراز

ﻣﺠﮫ ﺳﮯ ﭘﮩﻠﮯ ﺗﺠﮭﮯ ﺟﺲ ﺷﺨﺺ ﻧﮯ ﭼﺎﮨﺎ ﺍﺱ ﻧﮯ
ﺷﺎﯾﺪ ﺍﺏ ﺑﮭﯽ ﺗﯿﺮﺍ ﻏﻢ ﺩﻝ ﺳﮯ ﻟﮕﺎ ﺭﮐﮭﺎ ﮨﻮ
ﺍﯾﮏ ﺑﮯ ﻧﺎﻡ ﺳﯽ ﺍﻣﯿﺪ ﭘﮧ ﺍﺏ ﺑﮭﯽ ﺷﺎﯾﺪ
ﺍﭘﻨﮯ ﺧﻮﺍﺑﻮﮞ ﮐﮯ ﺟﺰﯾﺮﻭﮞ ﮐﻮ ﺳﺠﺎ ﺭﮐﮭﺎ ﮨﻮ

ﻣﯿﮟ ﻧﮯ ﻣﺎﻧﺎ ﮐﮧ ﻭﮦ بیگانۂ ﭘﯿﻤﺎﻥِ ﻭﻓﺎ
ﮐﮭﻮ ﭼﮑﺎ ﮨﮯ ﺟﻮ ﮐﺴﯽ ﺍﻭﺭ ﮐﯽ ﺭﻋﻨﺎﺋﯽ ﻣﯿﮟ
ﺷﺎﯾﺪ ﺍﺏ ﻟﻮﭦ ﮐﮯ نہ ﺁﺋﮯ ﺗﯿﺮﯼ ﻣﺤﻔﻞ ﻣﯿﮟ
ﺍﻭﺭ ﮐﻮﺋﯽ ﺩﮐﮫ نہ ﺭﻻﺋﮯ ﺗﺠﮭﮯ ﺗﻨﮩﺎﺋﯽ ﻣﯿﮟ

ﻣﯿﮟ ﻧﮯ ﻣﺎﻧﺎ ﮐﮧ ﺷﺐ ﻭ ﺭﻭﺯ ﮐﮯ ﮨﻨﮕﺎﻣﻮﮞ ﻣﯿﮟ
ﻭﻗﺖ ﮨﺮ ﻏﻢ ﮐﻮ ﺑﮭﻼ ﺩﯾﺘﺎ ﮨﮯ ﺭﻓﺘﮧ ﺭﻓﺘﮧ
ﭼﺎﮨﮯ ﺍﻣﯿﺪ ﮐﯽ ﺷمعیں ﮨﻮﮞ ﮐﮧ ﯾﺎﺩﻭﮞ ﮐﮯ ﭼﺮﺍﻍ
ﻣﺴﺘﻘﻞ ﺑُﻌﺪ ﺑﺠﮭﺎ ﺩﯾﺘﺎ ﮨﮯ ﺭﻓﺘﮧ ﺭﻓﺘﮧ

ﭘﮭﺮﺑﮭﯽ ﻣﺎﺿﯽ ﮐﺎ ﺧﯿﺎﻝ ﺁﺗﺎ ﮨﮯ ﮔﺎﮨﮯ ﮔﺎﮨﮯ
ﻣﺪﺗﯿﮟ ﺩﺭﺩ ﮐﯽ ﻟَﻮ ﮐﻢ ﺗﻮ ﻧﮩﯿﮟ ﮐﺮ ﺳﮑﺘﯿﮟ
ﺯﺧﻢ ﺑﮭﺮ ﺟﺎﺋﯿﮟ ﻣﮕﺮ ﺩﺍﻍ ﺗﻮ ﺭﮦ ﺟﺎﺗﺎ ﮨﮯ
ﺩﻭﺭﯾﻮﮞ ﺳﮯ ﮐﺒﮭﯽ ﯾﺎﺩﯾﮟ ﺗﻮ ﻧﮩﯿﮟ ﻣﺮ ﺳﮑﺘﯿﮟ

ﯾﮧ ﺑﮭﯽ ﻣﻤﮑﻦ ﮨﮯ ﮐﮧ ﺍﮎ ﺩﻥ ﻭﮦ ﭘﺸﯿﻤﺎﮞ ﮨﻮ ﮐﺮ
ﺗﯿﺮﮮ ﭘﺎﺱ ﺁﺋﮯ ﺯﻣﺎﻧﮯ ﺳﮯ ﮐﻨﺎﺭﮦ ﮐﺮ ﻟﮯ
ﺗُﻮ ﮐﮧ ﻣﻌﺼﻮﻡ ﺑﮭﯽ ﮨﮯ، ﺯُﻭﺩ ﻓﺮﺍﻣﻮﺵ ﺑﮭﯽ ﮨﮯ
ﺍﺱ ﮐﯽ ﭘﯿﻤﺎﮞ ﺷﮑﻨﯽ ﮐﻮ ﺑﮭﯽ ﮔﻮﺍﺭﮦ ﮐﺮ ﻟﮯ

ﺍﻭﺭ ﻣﯿﮟ ﺟﺲ ﻧﮯ ﺗﺠﮭﮯ ﺍﭘﻨﺎ ﻣﺴﯿﺤﺎ ﺟﺎﻧﺎ
ﺍﯾﮏ ﺩﮐﮫ ﺍﻭﺭ ﺑﮭﯽ ﭘﮩﻠﮯ ﮐﯽ ﻃﺮﺡ ﺳﮩﮧ ﺟﺎﺅﮞ
ﺟﺲ ﭘﮧ ﭘﮩﻠﮯ ﺑﮭﯽ ﮐﺌﯽ ﻋﮩﺪِ ﻭﻓﺎ ﭨﻮﭨﮯ ﮨﯿﮟ
ﺍﺳﯽ ﺩﻭﺭﺍﮨﮯ ﭘﮧ ﭼﭗ ﭼﺎﭖ ﮐﮭﮍﺍ ﺭﮦ ﺟﺎﺅﮞ

(احمد فراز)