تحریر : مستنصرﺣﺴﯿﻦ ﺗﺎﺭﮌ

ﺟﺐ ﮐﺒﮭﯽ میں ﻓﺮﺩﻭﺱ ﻣﺎﺭﮐﯿﭧ ﮐﮯ ﻧﻮﺍﺡ ﻣﯿﮟ ﻭﺍﻗﻊ ﻗﺒﺮﺳﺘﺎﻥ ﻣﯿﮟ ﺍﭘﻨﮯ ﻭﺍﻟﺪﯾﻦ ﺍﻭﺭ ﭼﮭﻮﭨﮯ ﺑﮭﺎﺋﯽ ﺯﺑﯿﺮ ﮐﯽ ﻗﺒﺮ ﭘﺮ ﻓﺎﺗﺤﮧ ﭘﮍﮬﻨﮯ ﺟﺎﺗﺎ ﮨﻮﮞ ﺗﻮ ﻗﺮﯾﺐ ﮨﯽ ﻋﻮﺍﻣﯽ ﺍﺩﺍﮐﺎﺭ ﻋﻼﺅﺍﻟﺪﯾﻦ ﮐﺎ ﻣﺪﻓﻦ ﮨﮯ ﺍﻭﺭ ﺍﺱ ﭘﺮ ﮐﻮﺋﯽ ﭘﮭﻮﻝ ﻧﮩﯿﮟ ﭼﮍﮬﺎﺗﺎ۔
ﻗﺒﺮﺳﺘﺎﻥ ﮐﮯ ﮐﻮﻧﮯ ﻣﯿﮟ ﻭﺣﯿﺪ ﻣﺮﺍﺩ ﮐﯽ ﻗﺒﺮ ﮨﮯ … ﺍﻭﺭ ﺍﺱ ﮐﯽ ﺭﮨﺎﺋﺶ ﺑﮭﯽ ﺍﺱ ﻗﺒﺮﺳﺘﺎﻥ ﮐﮯ ﺳﺎﺗﮫ ﮨﯽ ﺗﮭﯽ۔ ﻣﺠﮭﮯ ﯾﺎﺩ ﮨﮯ ﮐﮧ ﺟﺐ ﻣﯿﮟ ﻧﮯ ﺍﺱ ﮐﮯ ﺟﻨﺎﺯﮮ ﮐﻮ ﮐﻨﺪﮬﺎ ﺩﯾﺎ ﺗﻮ ﻭﮦ ﭼﺎﺭﭘﺎﺋﯽ ﺷﮑﺴﺘﮧ ﺗﮭﯽ ﺟﺲ ﻣﯿﮟ ﺍﺱ ﮐﺎ ﺟﺴﺪ ﺧﺎﮐﯽ ﻟﭙﭩﺎ ﭘﮍﺍ ﺗﮭﺎ ﻭﮦ ﭘﺎﮐﺴﺘﺎﻧﯽ ﻓﻠﻤﯽ ﺩﻧﯿﺎ ﮐﺎ ﺳﺐ ﺳﮯ ﺑﮍﺍ ﺳﭙﺮ ﺳﭩﺎﺭ ﺗﮭﺎ ﺟﺴﮑﮯ ﺳﺎﺗﮫ ﻋﻮﺍﻡ ﻧﮯ ﺍﻭﺭ ﺧﺎﺹ ﻃﻮﺭ ﭘﺮ ﻧﻮﺟﻮﺍﻥ ﻧﺴﻞ ﻧﮯ ﭨﻮﭦ ﮐﺮ ﻣﺤﺒﺖ ﮐﯽ ﺷﺎﯾﺪ ﺁﺝ ﮐﺎ ﺷﺎﮦ ﺭﺥ ﺧﺎﻥ ﺑﮭﯽ ﺍﺱ ﺳﮯ ﺑﮍﮪ ﮐﺮ ﭘﺴﻨﺪﯾﺪﮔﯽ ﮐﮯﺟﻨﻮﻥ ﺳﮯ ﺩﻭﭼﺎﺭ ﻧﮩﯿﮟ ﮨﻮ ﺳﮑﺎ … ﺍﺱ ﮐﺎ ﮨﯿﺌﺮ ﺳﭩﺎﺋﻞ ﺩﻟﯿﭗ ﮐﻤﺎﺭ ﮐﮯ ﺑﻌﺪ ﺍﯾﮏ ﻓﯿﺸﻦ ﮐﯽ ﺻﻮﺭﺕ ﺍﺧﺘﯿﺎﺭ ﮐﺮ ﮔﯿﺎ ﭘﭽﮭﻠﮯ ﺑﺮﺱ ﮨﺎﻟﯿﻨﮉ ﻣﯿﮟ ﺍﯾﮏ ﺍﯾﺴﮯ ﭘﺎﮐﺴﺘﺎﻧﯽ ﺳﮯ ﻣﻼﻗﺎﺕ ﮨﻮﺋﯽ ﺟﻮ ﮨﯿﺌﺮ ﺳﭩﺎﺋﻞ ﮐﮯ ﻋﻼﻭﮦ ﻭﺣﯿﺪ ﻣﺮﺍﺩ ﮐﮯ ﺍﻧﺪﺍﺯ ﺍﺑﮭﯽ ﺗﮏ ﺍﭘﻨﺎﺋﮯ ﮨﻮﺋﮯ ﺗﮭﺎ ﮐﮧ ﺟﻦ ﺯﻣﺎﻧﻮﮞ ﻣﯿﮟ ﻭﮦ ﭘﺎﮐﺴﺘﺎﻥ ﺳﮯ ﯾﻮﺭﭖ ﮐﯽ ﺟﺎﻧﺐ ﮔﯿﺎ ﺗﮭﺎ ﺍﻥ ﺩﻧﻮﮞ ﯾﮩﺎﮞ ﻭﺣﯿﺪ ﻣﺮﺍﺩ ﮐﺎ ﺭﺍﺝ ﺗﮭﺎ … ﺍﺱ ﮐﺎ ﻟﺒﺎﺱ ﺍﺳﮑﮯ ﺫﻭﻕ ﺟﻤﺎﻝ ﮐﯽ ﮔﻮﺍﮨﯽ ﺩﯾﺘﺎ ﺍﻭﺭ ﺟﺲ ﻃﻮﺭ ﻭﮦ ﮐﺴﯽ ﮔﺎﻧﮯ ﮐﯽ ﻓﻠﻢ ﺑﻨﺪﯼ ﻻﭘﺮﻭﺍﮦ ﺍﻧﺪﺍﺯ ﻣﯿﮟ ﮐﺮﺗﺎ ﺗﮭﺎ، ﮐﺴﯽﺍﻭﺭ ﮨﯿﺮﻭ ﮐﮯ ﻧﺼﯿﺐ ﻣﯿﮟ ﻭﯾﺴﺎ ﺩﻟﺒﺮﺍﻧﮧ ﺍﻧﺪﺍﺯ ﻧﮧ ﮨﻮﺍ … ﺁﮨﺴﺘﮧ ﺁﮨﺴﺘﮧ ﺩﺑﮯ ﭘﺎﺅﮞ ﮔﻤﻨﺎﻣﯽ ﮐﯽ ﺗﺎﺭﯾﮑﯽ ﭼﻠﯽ ﺁﺋﯽ ﺍﻭﺭ ﻭﮦ ﭘﺲ ﻣﻨﻈﺮ ﻣﯿﮟ ﺟﺎﻧﮯ ﻟﮕﺎ … ﺍﻭﺭ ﻭﮦ ﺍﺱ ﺩﮐﮫ ﮐﻮ ﺑﺮﺩﺍﺷﺖ ﻧﮧ ﮐﺮ ﺳﮑﺎ …
ﺷﻨﯿﺪ ﮨﮯ ﮐﮧ ﻣﺮﯼ ﻭﻏﯿﺮﮦ ﻣﯿﮟ ﮐﺴﯽ ﻓﻠﻢ ﮐﯽ ﺷﻮﭨﻨﮓ ﮨﻮ ﺭﮨﯽ ﺗﮭﯽ ﺍﻭﺭ ﺍﻥ ﺩﻧﻮﮞ “ﭼﮑﻮﺭﯼ” ﺳﮯ ﺷﮩﺮﺕ ﺣﺎﺻﻞ ﮐﺮﻧﯿﻮﺍﻻ ﻟﻤﺒﯽ ﻧﺎﮎ ﻭﺍﻻ ﺩﻟﯿﭗ ﮐﻤﺎﺭ ﺳﮯ ﻣﺸﺎﺑﮧ ﺍﺩﺍﮐﺎﺭ ﻧﺪﯾﻢ ﻋﻮﺍﻡ ﮐﯽ ﻧﻈﺮﻭﮞ ﻣﯿﮟ ﮔﮭﺮ ﮐﺮ ﺭﮨﺎ ﺗﮭﺎ … ﻧﺪﯾﻢ ﺍﻭﺭ ﻭﺣﯿﺪ ﻣﺮﺍﺩ ﺷﻮﭨﻨﮓ ﺳﮯ ﻓﺎﺭﻍ ﮨﻮ ﮐﺮ ﮔﭗ ﻟﮕﺎ ﺭﮨﮯ ﺗﮭﮯ … ﻭﺣﯿﺪ ﻣﺮﺍﺩ ﺍﺱ ﻓﻠﻢ ﻣﯿﮟ ﮨﯿﺮﻭ ﻧﮧ ﺗﮭﺎ ﻧﺪﯾﻢ ﺗﮭﺎ … ﻻﮨﻮﺭ ﮐﮯ ﮐﺴﯽ ﮐﺎﻟﺞ ﮐﯽ ﻟﮍﮐﯿﻮﮞ ﮐﯽ ﺑﺲ ﻭﮨﺎﮞ ﺭﮐﯽ ﺍﻭﺭ ﻟﮍﮐﯿﺎﮞ ﭼﯿﺨﺘﯽ ﮨﻮﺋﯽ ﺍﻥ ﺩﻭﻧﻮﮞ ﮐﯽﺟﺎﻧﺐ ﺑﮭﺎﮔﯿﮟ۔ ﻭﺣﯿﺪ ﻣﺮﺍﺩ ﮐﺎ ﺧﯿﺎﻝ ﺗﮭﺎ ﮐﮧ ﻭﮦ ﺍﺳﮯ ﺩﯾﮑﮫ ﮐﺮ ﺷﻮﺭ ﻣﭽﺎﺗﯽ ﭼﻠﯽ ﺁ ﺭﮨﯽ ﮨﯿﮟ۔ ﻟﯿﮑﻦ ﻭﮦ ﺳﺐ ﻧﺪﯾﻢ ﮐﮯ ﮔﺮﺩ ﮨﻮ ﮔﺌﯿﮟ ﮐﺴﯽ ﺍﯾﮏ ﺁﺩﮪ ﻧﮯ ﻭﺣﯿﺪ ﻣﺮﺍﺩ ﺳﮯ ﺁﭨﻮ ﮔﺮﺍﻑ ﺣﺎﺻﻞ ﮐﺌﮯ ﻟﯿﮑﻦ ﺍﻥ ﻣﯿﮟ ﺳﮯ ﺑﯿﺸﺘﺮ ﮐﯽ ﻣﺤﺒﺖ ﮐﺎ ﻣﺮﮐﺰ ﻧﺪﯾﻢ ﺗﮭﺎ … ﮐﮩﺎ ﺟﺎﺗﺎ ﮨﮯ ﮐﮧ ﻭﺣﯿﺪ ﺑﮯ ﺣﺪ ﺭﻧﺠﯿﺪﮦ ﮨﻮﺍ۔ ﺍﺯﺍﮞ ﺑﻌﺪ ﺍﯾﮏ ﺣﺎﺩﺛﮯ ﮐﮯ ﺩﻭﺭﺍﻥ ﺍﺱ ﮐﮯ ﭼﮩﺮﮮ ﭘﺮ ﭼﻮﭨﯿﮟ ﺁﺋﯿﮟ ﺍﻭﺭ ﯾﮧ ﻭﮦ ﭼﮩﺮﮦ ﻧﮧ ﺭﮨﺎ ﺟﺲ ﭘﺮ ﻻﮐﮭﻮﮞ ﻟﻮﮒ ﺟﺎﻥ ﺩﯾﺘﮯ ﺗﮭﮯ ۔ ﭼﮩﺮﮮ ﮐﺎ ﯾﮧ ﺑﮕﺎﮌ ﺍﺳﮯ ﺳﮑﻮﻥ ﺁﻭﺭ ﺍﺩﻭﯾﺎﺕ ﮐﯽ ﺯﯾﺎﺩﺗﯽ ﺗﮏ ﻟﮯ ﮔﯿﺎ ﺍﻭﺭ ﭘﮭﺮ ﻭﮦ ﻣﺮ ﮔﯿﺎ۔ ﯾﮧ ﺻﺮﻑ ﺷﮩﺮﺕ ﮐﯽ ﺑﮯ ﻭﻓﺎﺋﯽ ﺗﮭﯽ ﺟﺲ ﻧﮯ ﺍﺳﮯ ﻣﺎﺭ ﮈﺍﻻ …
ﺍﯾﮏ ﺯﻣﺎﻧﮧ ﺗﮭﺎ ﺟﺐ ﻣﻈﮩﺮ ﺷﺎﮦ ﭘﻨﺠﺎﺑﯽ ﻓﻠﻤﻮﮞ ﻣﯿﮟ ﺍﯾﮏ ﻭﻟﻦ ﮐﮯ ﻃﻮﺭ ﭘﺮ ﻧﻤﺎﯾﺎﮞ ﮨﻮﺍ … ﺍﻭﺭ ﺍﺱ ﮐﯽ ﺷﺨﺼﯿﺖ ﮐﯽ ﮔﮭﻦ ﮔﺮﺝ ﺍﯾﺴﯽ ﺗﮭﯽ ﮐﮧ ﺍﺱ ﮐﮯ ﺳﺎﻣﻨﮯ ﻓﻠﻢ ﮐﺎ ﮨﯿﺮﻭ ﺑﮭﯽ ﺑﯿﮑﺎﺭ ﮨﻮ ﺟﺎﺗﺎ … ﻭﮦ ﭘﮩﻼ ﺷﺨﺺ ﺗﮭﺎ ﺟﺲ ﻧﮯ ﭘﻨﺠﺎﺑﯽ ﻓﻠﻤﻮﮞ ﻣﯿﮟ ﺍﯾﮏ ﻧﻌﺮﮦ ﻣﺒﺎﺭﺯﺕ ﯾﻌﻨﯽ “ﺑﮍﮬﮏ” ﮐﻮ ﺭﻭﺍﺝ ﺩﯾﺎ … ﺑﻌﺪ ﻣﯿﮟ ﺳﻠﻄﺎﻥ ﺭﺍﮨﯽ ﻧﮯ ﺍﺱ ﮐﮯ ﺍﻧﺪﺍﺯ ﺍﭘﻨﺎ ﮐﺮ ﺑﮍﮬﺎ ﭼﮍﮬﺎ ﮐﺮ ﺷﮩﺮﺕ ﮐﻤﺎﺋﯽ … ﺍﮐﺜﺮ ﺍﯾﺴﺎ ﮨﻮﺗﺎ ﮐﮧ ﻭﮦ ﺍﺱ ﺳﯿﻨﻤﺎ ﮨﺎﻝ ﻣﯿﮟ ﺍﭘﻨﮯ ﺩﻭﺳﺘﻮﮞ ﮐﮯ ﮨﻤﺮﺍﮦ ﭼﻼ ﺟﺎﺗﺎ ﺟﮩﺎﮞ ﺍﺱ ﮐﯽ ﮐﻮﺋﯽ ﻓﻠﻢ ﻧﻤﺎﺋﺶ ﭘﺮ ﮨﻮﺗﯽ، ﺍﻧﭩﺮﻭﻝ ﮐﮯ ﺩﻭﺭﺍﻥ ﻭﮦ ﺍﭘﻨﯽ ﻧﺸﺴﺖ ﺳﮯ ﺍﭨﮫ ﮐﺮ ﻣﻨﮧ ﭘﺮ ﻣﭩﮭﯽ ﺭﮐﮫ ﮐﺮ ﺍﯾﮏ ﮔﺮﺟﺪﺍﺭ ﺑﮭﮍﮎ ﻟﮕﺎﺗﺎ ﺗﻮ ﮨﺎﻝ ﻣﯿﮟ ﺑﯿﭩﮭﮯ ﺗﻤﺎﺷﺎﺋﯽ ﺩﯾﻮﺍﻧﮧ ﻭﺍﺭ ﺍﺳﮑﮯ ﭘﺎﺱ ﺁ ﮐﺮ ﺧﻮﺩ ﺑﮭﯽ ﺑﮍﮬﮑﯿﮟ ﻟﮕﺎﻧﮯ ﻟﮕﺘﮯ ﺍﻭﺭ ﻭﮦ ﺍﯾﮏ ﺑﺎﺩﺷﺎﮦ ﮐﯽ ﻣﺎﻧﻨﺪ ﺍﻥ ﮐﮯ ﺟﻠﻮ ﻣﯿﮟ ﺍﭘﻨﮯ ﻣﮑﺎﻟﻤﮯ ﺑﻮﻟﻨﮯ ﻟﮕﺘﺎ ﺍﻭﺭ ﻋﻮﺍﻡ ﺍﻟﻨﺎﺱ ﺍﺱ ﭘﺮ ﻧﭽﮭﺎﻭﺭ ﮨﻮﻧﮯ ﻟﮕﺘﮯ ﺍﻭﺭ ﭘﮭﺮ ﻗﺎﻧﻮﻥ ﻗﺪﺭﺕ، ﮐﻤﺎﻝ ﮐﮯ ﺑﻌﺪ ﺯﻭﺍﻝ ﻣﻈﮩﺮ ﺷﺎﮦ ﮐﯽ ﺟﮕﮧ ﺍﯾﮏ ﺍﻭﺭ ﻭﻟﻦ ﺟﻠﻮﮦ ﮔﺮ ﮨﻮﺍ ﺟﺲ ﮐﯽ ﺳﻨﺪﮬﯽ ﻟﺐ ﻭ ﻟﮩﺠﮯ ﮐﯽ ﭘﻨﺠﺎﺑﯽ ﺍﻭﺭ ﺧﻮﺵ ﺷﮑﻠﯽ ﻧﮯ ﻟﻮﮔﻮﮞ ﮐﻮ ﻣﻮﮦ ﻟﯿﺎ، ﺍﻥ ﺩﻧﻮﮞ ﻣﻈﮩﺮ ﺷﺎﮦ ﮔﻮﺍﻟﻤﻨﮉﯼ ﮐﮯ ﮐﺴﯽ ﻣﮑﺎﻥ ﮐﮯ ﺑﺎﮨﺮ ﺍﯾﮏ ﺗﮭﮍﮮ ﭘﺮ ﮔﻤﻨﺎﻡ ﺑﯿﭩﮭﺎ ﺭﮨﺘﺎ ﺗﮭﺎ ﺍﻭﺭ ﺑﮩﺖ ﮐﻢ ﻟﻮﮒ ﺍﺳﮯ ﭘﮩﭽﺎﻧﺘﮯ ﺗﮭﮯ، ﺷﮩﺮﺕ ﺍﻭﺭ ﻧﺎﻣﻮﺭﯼ ﻧﮯ ﺍﺱ ﺳﮯ ﻣﻨﮧ ﻣﻮﮌ ﻟﯿﺎ ﺗﮭﺎ۔ ﺍﻧﮩﯽ ﺩﻧﻮﮞ ﻭﮦ ﺍﮐﯿﻼ ﮐﺴﯽ ﺳﯿﻨﻤﺎ ﮨﺎﻝ ﻣﯿﮟ ﭼﻼ ﮔﯿﺎ ﺍﻭﺭ ﺍﻧﭩﺮﻭﻝ ﮐﮯ ﺩﻭﺭﺍﻥ ﺍﭘﻨﯽ ﻧﺸﺴﺖ ﺳﮯ ﺍﭨﮫ ﮐﺮ ﺑﮍﮬﮑﯿﮟ ﻟﮕﺎﻧﮯ ﻟﮕﺎ … ﮨﺎﻝ ﻣﯿﮟ ﺑﯿﭩﮭﮯ ﻟﻮﮔﻮﮞ ﻧﮯ ﺩﯾﮑﮭﺎ ﮐﮧ ﺍﯾﮏ ﺑﻮﮌﮬﺎ ﺷﺨﺺ ﮔﮭﮕﯿﺎﺗﯽ ﮨﻮﺋﯽ ﺁﻭﺍﺯ ﻣﯿﮟ ﺑﮯ ﻭﺟﮧ ﺑﮍﮬﮑﯿﮟ ﻟﮕﺎ ﺭﮨﺎ ﮨﮯ ﺗﻮ ﺍﻧﮩﻮﮞ ﻧﮯ ﺳﻤﺠﮭﺎ ﮐﮧ ﮐﻮﺋﯽ ﭘﺎﮔﻞ ﮨﮯ ﺟﻮ ﻏﻞ ﻣﭽﺎ ﺭﮨﺎ ﮨﮯ ﻣﻈﮩﺮ ﺷﺎﮦ ﺑﮭﯽ ﺍﺱ ﮐﮯ ﺑﻌﺪ ﺑﮩﺖ ﻣﺪﺕ ﺟﯿﺎ، اور ﻣﺮ ﮔﯿﺎ۔
ﺍﺳﻼﻡ ﺁﺑﺎﺩ ﻣﯿﮟ ﺍﯾﮏ ﺍﺩﺑﯽ ﺗﻘﺮﯾﺐ ﮐﮯ ﺍﺧﺘﺘﺎﻡ ﭘﺮ ﮐﭽﮫ ﻟﻮﮒ ﻣﺠھے ﮔﮭﯿﺮ ﻟﯿﺘﮯ ﮨﯿﮟ … ﺁﭨﻮ ﮔﺮﺍﻑ ﻟﮯ ﺭﮨﮯ ﮨﯿﮟ ﺍﻭﺭ ﻣﺤﺒﺖ ﮐﺎ ﺍﻇﮩﺎﺭ ﮐﺮ ﺭﮨﮯ ﮨﯿﮟ ﮐﮧ ﺍﻥ ﺩﻧﻮﮞ ﭘﺎﮐﺴﺘﺎﻥ ﭨﯿﻠﯽ ﻭﯾﮋﻥ ﮐﯽ ﺻﺒﺢ ﮐﯽ ﻧﺸﺮﯾﺎﺕ ﮐﺎ ﻣﯿﮟ ﺍﻭﻟﯿﻦ ﻣﯿﺰﺑﺎﻥ ﺗﮭﺎ ﺍﻭﺭ ﺁﭨﮫ ﺑﺮﺱ ﺗﮏ ﭘﻮﺭﮮ ﭘﺎﮐﺴﺘﺎﻥ ﻣﯿﮟ ﮨﺮ ﮔﮭﺮ ﻣﯿﮟ “ﺍﻟﺴﻼﻡ ﻋﻠﯿﮑﻢ ﭘﺎﮐﺴﺘﺎﻥ … ﭘﯿﺎﺭﮮ ﭘﺎﮐﺴﺘﺎﻥ، ﺳﺎﺭﮮ ﭘﺎﮐﺴﺘﺎﻥ” ﮐﮯ ﻣﯿﺮﮮ ﮐﻼﻡ ﺳﮯ ﺻﺒﺢ ﮨﻮﺗﯽ ﺗﮭﯽ، ﻣﯿﮟ ﺍﻥ ﻣﺪﺍﺣﯿﻦ ﺳﮯ ﻓﺎﺭﻍ ﮨﻮﺍ ﺗﻮ ﻣﻤﺘﺎﺯ ﻣﻔﺘﯽ ﻣﯿﺮﮮ ﻗﺮﯾﺐ ﺁﺋﮯ … ﻧﮩﺎﯾﺖ ﺩﺭﺷﺖ ﻟﮩﺠﮯ ﻣﯿﮟ ﮐﮩﻨﮯ ﻟﮕﮯ۔ ﺗﺎﺭﮌ ! ﻣﯿﮉﯾﺎ ﮐﻮ ﭼﮭﻮﮌ ﺩﻭ، ﺍﺱ ﮐﯽ ﺷﮩﺮﺕ ﺗﻤﮩﯿﮟ ﮐﮭﺎ ﺟﺎﺋﮯ ﮔﯽ، ﺗﻢ ﻣﯿﮟ ﺍﯾﮏ ﺑﮍﺍ ﺍﺩﯾﺐ ﺑﻨﻨﮯ ﮐﯽ ﺻﻼﺣﯿﺖ ﮨﮯ ﻟﯿﮑﻦ ﻣﯿﮉﯾﺎ ﮐﯽ ﭼﮑﺎ ﭼﻮﻧﺪ ﺗﻤﮩﺎﺭﯼ ﺍﺱ ﺻﻼﺣﯿﺖ ﮐﻮ ﮔﮭﻦ ﻟﮕﺎ ﺩﮮ ﮔﯽ … ﻣﯿﮟ ﺗﺐ ﺗﮏ ﺗﻢ ﺳﮯ ﻧﮩﯿﮟ ﺑﻮﻟﻮﮞ ﮔﺎ ﺟﺐ ﺗﮏ ﺗﻢ ﺍﺱ ﮐﺘﯽ ﺷﮩﺮﺕ ﺳﮯ ﺗﺮﮎ ﺗﻌﻠﻖ ﻧﮩﯿﮟ ﮐﺮﺗﮯ، ﻣﯿﮟ ﻧﮯ ﻣﻔﺘﯽ ﺻﺎﺣﺐ ﺳﮯ ﻋﺮﺽ ﮐﯿﺎ ﮐﮧ ﺩﯾﮑﮭﺌﮯ ﻣﯿﮉﯾﺎ ﻣﯿﺮﯼ ﺭﻭﺯﯼ ﺭﻭﺯﮔﺎﺭ ﮐﺎ ﺳﻠﺴﻠﮧ ﮨﮯ ﺍﻭﺭ ﯾﻘﯿﻦ ﮐﯿﺠﺌﮯ ﻣﯿﮟ ﻧﮯ ﺍﺱ ﮐﯽ ﺷﮩﺮﺕ ﮐﻮ ﮐﺒﮭﯽ ﺳﻨﺠﯿﺪﮔﯽ ﺳﮯ ﻧﮩﯿﮟ ﻟﯿﺎ ﺍﻭﺭ ﺍﺩﺏ ﻣﯿﺮﯼ ﭘﮩﻠﯽ ﻣﺤﺒﺖ ﮨﮯ ﻟﯿﮑﻦ ﺍﻥ ﭘﺮ ﮐﭽﮫ ﺍﺛﺮ ﻧﮧ ﮨﻮﺍ۔ ﺍﺯﺍﮞ ﺑﻌﺪ ﻣﻤﺘﺎﺯ ﻣﻔﺘﯽ ﺳﮯ ﺟﺐ ﮐﺒﮭﯽ ﺁﻣﻨﺎ ﺳﺎﻣﻨﺎ ﮨﻮﺗﺎ ﻭﮦ ﺍﯾﮏ ﻧﺎﺭﺍﺽ ﺷﮑﻞ ﮐﮯ ﺳﺎﺗﮫ ﻣﻨﮧ ﻣﻮﮌ ﮐﺮ ﻣﺠﮫ ﺳﮯ ﺑﮯ ﺭﺧﯽ ﺍﺧﺘﯿﺎﺭ ﮐﺮ ﺟﺎﺗﮯ …
ﺍﻧﮩﻮﮞ ﻧﮯ ﺍﭘﻨﯽ ﻣﻮﺕ ﺳﮯ ﺗﻘﺮﯾﺒﺎً ﭼﮫ ﻣﺎﮦ ﭘﯿﺸﺘﺮ ﻣﺠﮭﮯ ﺍﯾﮏ ﺧﻂ ﻟﮑﮭﺎ ﺟﺲ ﮐﮯ ﻣﮑﻤﻞ ﻣﻨﺪﺭﺟﺎﺕ ﮐﻮ ﻇﺎﮨﺮ ﮐﺮﻧﺎ ﻣﻨﺎﺳﺐ ﻧﮩﯿﮟ ﻟﯿﮑﻦ ﺍﻧﮩﻮﮞ ﻧﮯ ﺍﻗﺮﺍﺭ ﮐﯿﺎ ﮐﮧ ﺍﻥ ﮐﺎ ﺧﺪﺷﮧ ﺩﺭﺳﺖ ﻧﮧ ﺗﮭﺎ ﺍﻭﺭ ﻣﯿﮟ ﻧﮯ ﺷﮩﺮﺕ ﮐﮯ ﺗﮑﺒﺮ ﺳﮯ ﺩﺍﻣﻦ ﺑﭽﺎ ﺭﮐﮭﺎ ﮨﮯ ﺍﻭﺭ ﺍﺩﺏ ﮐﻮ ﮨﯽ ﺍﭘﻨﯽ ﺗﺮﺟﯿﺢ ﺍﻭﻝ ﺛﺎﺑﺖ ﮐﺮ ﺩﯾﺎ ﮨﮯ … ﺑﮩﺖ ﮐﻢ ﻟﻮﮒ ﺍﯾﺴﮯ ﮨﻮﺗﮯ ﮨﯿﮟ ﺟﻦ ﻣﯿﮟ ﺍﻟﻠﮧﺗﻌﺎﻟﯽٰ ﮐﯽ ﺟﺎﻧﺐ ﺳﮯ ﺑﺮﺩﺍﺷﺖ ﺍﻭﺭ ﺻﺒﺮ ﮐﺎ ﺍﯾﺴﺎ ﻣﺎﺩﮦ ﮨﻮﺗﺎ ﮨﮯ ﮐﮧ ﻭﮦ ﺷﮩﺮﺕ ﮐﮯ ﭼﮭﻦ ﺟﺎﻧﮯ ﭘﺮ ﺑﮭﯽ ﺷﮑﺎﯾﺖ ﻧﮩﯿﮟ ﮐﺮﺗﮯ ﺍﻭﺭ ﻧﺎﺭﻣﻞ ﺯﻧﺪﮔﯽ ﺑﺴﺮ ﮐﺮﺗﮯ ﮨﯿﮟ …
ﺍﺱ ﮐﯽ ﺍﯾﮏ ﺭﻭﺷﻦ ﻣﺜﺎﻝ ﻓﻠﻢ ﺳﭩﺎﺭ ﺭﺍﮔﻨﯽ ﺗﮭﯿﮟ، ﺍﻥ ﮐﮯ ﺣﺴﻦ ﺍﻭﺭ ﺳﺤﺮ ﻃﺮﺍﺯ ﺁﻧﮑﮭﻮﮞ ﮐﯽ ﭘﻮﺭﮮ ﮨﻨﺪﻭﺳﺘﺎﻥ ﻣﯿﮟ ﺩﮬﻮﻡ ﺗﮭﯽ ﺍﻭﺭ ﺍﻧﮩﯿﮟ ﺁﮨﻮ ﭼﺸﻢ ﮐﮯ ﻟﻘﺐ ﺳﮯ ﭘﮑﺎﺭﺍ ﺟﺎﺗﺎ ﺗﮭﺎ … ﺍﻧﮩﻮﮞ ﻧﮯ ﺍﭘﻨﮯ ﻭﻗﺖ ﮐﮯ ﺑﮍﮮ ﺑﮍﮮ ﮨﯿﺮﻭﺯ ﮐﮯ ﺳﺎﺗﮫ ﮐﺎﻡ ﮐﯿﺎ ﺍﻭﺭ ﺍﻥ ﻣﯿﮟ ﺳﮩﮕﻞ ﺑﮭﯽ ﺷﺎﻣﻞ ﺗﮭﮯ … ﮐﮩﺎ ﺟﺎﺗﺎ ﮨﮯ ﮐﮧ ﺑﯿﺸﺘﺮ ﺍﺩﺍﮐﺎﺭ ﺍﻥ ﮐﮯ ﺳﺎﺗﮫ ﻓﻠﻢ ﻣﯿﮟ ﮐﺎﻡ ﮐﺮﻧﮯ ﺳﮯ ﮐﺘﺮﺍﺗﮯ ﺗﮭﮯ ﺻﺮﻑ ﺍﺱ ﻟﺌﮯ ﮐﮧ ﺍﮔﺮ ﻓﻠﻢ ﻣﯿﮟ ﺭﺍﮔﻨﯽ ﮨﯿﮟ ﺗﻮ ﭘﮭﺮ ﺩﯾﮕﺮ ﺍﺩﺍﮐﺎﺭﻭﮞ ﮐﯽ ﺟﺎﻧﺐ ﮐﻮﺋﯽ ﺁﻧﮑﮫ ﺍﭨﮭﺎ ﮐﺮ ﺑﮭﯽ ﻧﮩﯿﮟ ﺩﯾﮑﮭﺘﺎ ﺗﮭﺎ، ﺳﺒﮭﯽ ﺭﺍﮔﻨﯽ ﮐﯽ ﺁﻧﮑﮭﯿﮟ ﺩﯾﮑﮭﺘﮯ ﺗﮭﮯ … ﺍﻧﮩﻮﮞ ﻧﮯ ﺯﻧﺪﮔﯽ ﮐﮯ ﺁﺧﺮﯼ ﺍﯾﺎﻡ ﻣﯿﺮﮮ ﮔﮭﺮ ﺳﮯ ﭼﻨﺪ ﻗﺪﻡ ﮐﮯ ﻓﺎﺻﻠﮯ ﭘﺮ ﺍﯾﮏ ﻣﻌﻤﻮﻟﯽ ﺳﯽ ﮐﺎﻟﻮﻧﯽ ﮐﮯ ﻧﮩﺎﯾﺖ ﻣﻌﻤﻮﻟﯽ ﮐﻤﺮﮮ ﻣﯿﮟ ﮔﺰﺍﺭﮮ … ﮐﻤﺮﮮ ﮐﺎ ﺳﯿﻤﻨﭧ ﺍﮐﮭﮍﺍ ﮨﻮﺍ، ﻓﺮﺵ ﻣﯿﮟ ﺩﺭﺍﮌﯾﮟ، ﺍﯾﮏ ﺑﻮﺳﯿﺪﮦ ﺑﺴﺘﺮ ﺍﻭﺭ ﺳﺮﮨﺎﻧﮯ ﻣﯿﮟ ﮐﺴﯽ ﻓﻼﺳﮏ ﮐﯽ ﺑﺠﺎﺋﮯ ﻣﻨﺮﻝ ﻭﺍﭨﺮ ﮐﯽ ﺍﯾﮏ ﺑﻮﺗﻞ ﺟﺲ ﻣﯿﮟ ﻧﻞ ﮐﺎ ﭘﺎﻧﯽ ﺗﮭﺎ، ﻧﮧ ﮐﻮﺋﯽ ﻋﺰﯾﺰ ﻧﮧ ﻏﻢ ﺧﻮﺍﺭ … ﺑﺎﻟﮑﻞ ﺗﻨﮩﺎ ﺍﻭﺭ ﺍﺱ ﮐﮯ ﺑﺎﻭﺟﻮﺩ ﺁﻭﺍﺯ ﻣﯿﮟ ﻭﮨﯽ ﺩﺑﺪﺑﮧ ﺍﻭﺭ ﺗﻤﮑﻨﺖ ﺍﻭﺭ ﻟﺐ ﻭ ﻟﮩﺠﮯ ﻣﯿﮟ ﻭﮨﯽ ﻧﮑﮭﺎﺭ ﺍﻭﺭ ﻧﻔﺎﺳﺖ … ﺟﺐ ﻭﮦ ﻣﻠﮑﮧ ﮨﻨﺪ ﮐﺎ ﮐﺮﺩﺍﺭ ﺍﺩﺍ ﮐﯿﺎ ﮐﺮﺗﯽ ﺗﮭﯿﮟ، ﻟﺐ ﭘﺮ ﮐﻮﺋﯽ ﺷﮑﺎﯾﺖ ﻧﮧ ﺷﮑﻮﮦ، ﺍﭘﻨﮯ ﺣﺎﻝ ﭘﺮ ﺭﺍﺿﯽ ﺍﻭﺭ ﺧﻮﺵ … ﺍﯾﺴﯽ ﺑﮩﺖ ﺳﯽ ﺩﺍﺳﺘﺎﻧﯿﮟ ﮨﯿﮟ ﺟﻮ ﺍﻥ ﮐﮩﯽ ﺭﮦ ﺟﺎﺋﯿﮟ ﮔﯽ … ﻟﯿﮑﻦ ﺍﯾﮏ ﺍﻧﺴﺎﻥ ﮐﯿﺎ ﮐﺮﮮ ﺍﮔﺮ ﺍﯾﮏ ﺭﻭﺯ ﻻﮐﮭﻮﮞ ﻟﻮﮒ ﺍﺱ ﮐﯽ ﺍﯾﮏ ﺟﮭﻠﮏ ﺩﯾﮑﮭﻨﮯ ﮐﯿﻠﺌﮯ ﭨﻮﭦ ﭘﮍﺗﮯ ﮨﯿﮟ ﺍﻭﺭ ﭘﮭﺮ ﺍﯾﮏ ﺭﻭﺯ ﮐﻮﺋﯽ ﺁﻧﮑﮫ ﺍﭨﮭﺎ ﮐﺮ ﺑﮭﯽ ﺍﺱ ﮐﯽ ﺟﺎﻧﺐ ﻧﮧ ﺩﯾﮑﮭﮯ … ﺑﺎﻵﺧﺮ ﯾﮧ ﻗﺒﺮ ﮐﯽ ﻣﭩﯽ ﮨﻮﺗﯽ ﮨﮯ ﺟﻮ ﺳﺐ ﮐﻮ ﻣﭩﯽ ﮐﺮ ﮐﮯ ﺑﺮﺍﺑﺮ ﮐﺮ ﺩﯾﺘﯽ ﮨﮯ …
ﻣﮩﺎﺭﺍﺟﮧ ﺭﻧﺠﯿﺖ ﺳﻨﮕﮫ ﮐﯽ ﭘﻮﺗﯽ، ﻣﮩﺎﺭﺍﺟﮧ ﺩﻟﯿﺐ ﺳﻨﮕﮫ ﮐﯽ ﺑﯿﭩﯽ ﺷﮩﺰﺍﺩﯼ ﺑﻤﺒﺎﮞ ﺳﺪﺭ ﻟﯿﻨﮉ ﻻﮨﻮﺭ ﻣﯿﮟ ﺟﯿﻞ ﺭﻭﮈ ﮐﮯ ﮐﺮﺳﭽﻦ ﻗﺒﺮﺳﺘﺎﻥ ﻣﯿﮟ ﺩﻓﻦ ﮨﮯ، ﮐﺘﺒﮯ ﭘﺮ ﻓﺎﺭﺳﯽ ﮐﯽ ﺍﯾﮏ ﺭﺑﺎﻋﯽ ﮐﻨﺪﮦ ﮨﮯ ﮐﮧ ﻗﺒﺮ ﮐﯽ ﻣﭩﯽ ﺁﮔﺎﮦ ﻧﮩﯿﮟ ﮨﻮﺗﯽ ﮐﮧ ﺍﺱ ﻣﯿﮟ ﺍﯾﮏ ﺷﺎﮦ ﺳﻮﺗﺎ ﮨﮯ ﯾﺎ ﮔﺪﺍ ﺧﻮﺍﺑﯿﺪﮦ ﮨﮯ … ﯾﮧ ﺳﺐ ﮐﻮ ﺑﺮﺍﺑﺮ ﮐﺮ ﺩﯾﺘﯽ ﮨﮯ۔رہے نام اللہ کا

تحریر : مستنصرﺣﺴﯿﻦ ﺗﺎﺭﮌ