ہنسی آئے تو ہو کچھ کم اداسی۔ افتخار مجاز

🍂🍂

*ہنسی آئے تو ہو کچھ کم اداسی*
*رگ و پے میں ہے اب پیہم اداسی*

*یہ کیا حالت بنا رکھی ہے تم نے*
*سدا رنجیدگی، ہر دم اداسی*

*کبھی تو کام آئے طنز کوئی*
*کبھی تو مجھ سے ہو برہم اداسی*

*ہنسوں کیسے میں آخر کھکھلا کر*
*ہنسی کے ساتھ ہے مدغم اداسی*

*مری خندہ لبی سے مت لے ٹکّر*
*نہیں ہے تجھ میں اتنا دم اداسی*

*دروٗں ہے رقص خالی پن کا راغبؔ*
*بروٗں چہرے پہ وحشت، غم، اداسی*

*(افتخار راغبؔ، دوحہ قطر)