ڈاکٹر راحتؔ اندوری وفات 11 اگست

11؍اگست 2020

ممتاز نغمہ نگار، منفرد انداز کے لیے معروف اور عالمی مشاعرے کے سب سے مقبول شاعر” ڈاکٹر راحتؔ اندوری صاحب “ کا یومِ وفات…

نام *راحت اللہ* اور تخلص *راحتؔ* ہے۔ *یکم؍جنوری ۱۹۵۰ء* کو *اندور ، ( مدھیہ پردیش) بھارت* میں پید ا ہوئی۔ انہیں کراچی کے عالمی مشاعرے میں شرکت کرنے کا اعزاز حاصل ہے۔
ان کی تصانیف کے نام یہ ہیں:
*’’ دھوپ، دھوپ‘‘، ’’میرے بعد‘‘، ’’پانچواں درویش‘‘، ’’رت بدل گئی‘‘، ’’ناراض‘‘، ’’موجود‘‘* ۔
*١١؍اگست ٢٠٢٠ء* کو *راحتؔ اندوری صاحب* انتقال کر گئے۔
*بحوالۂ:پیمانۂ غزل(جلد دوم)،محمد شمس الحق،صفحہ:401*

🌹✨ *پیشکش : اعجاز زیڈ ایچ*

✦•───┈┈┈┄┄╌╌╌┄┄┈┈┈───•✦

💐💐 *ممتاز شاعر راحتؔ اندوری صاحب کے یوم وفات پر منتخب اشعار بطور خراجِ عقیدت…* 💐💐

اب کہاں ڈھونڈنے جاؤ گے ہمارے قاتل
آپ تو قتل کا الزام ہمیں پر رکھ دو
—
*اگر خلاف ہیں ہونے دو جان تھوڑی ہے*
*یہ سب دھواں ہے کوئی آسمان تھوڑی ہے*
—
اس کی یاد آئی ہے سانسو ذرا آہستہ چلو
دھڑکنوں سے بھی عبادت میں خلل پڑتا ہے
—
*نہ ہم سفر نہ کسی ہم نشیں سے نکلے گا*
*ہمارے پاؤں کا کانٹا ہمیں سے نکلے گا*
—
دلوں میں آگ لبوں پر گلاب رکھتے ہیں
سب اپنے چہروں پہ دوہری نقاب رکھتے ہیں
—
*شاخوں سے ٹوٹ جائیں وہ پتے نہیں ہیں ہم*
*آندھی سے کوئی کہہ دے کہ اوقات میں رہے*
—
آنکھ میں پانی رکھو ہونٹوں پہ چنگاری رکھو
زندہ رہنا ہے تو ترکیبیں بہت ساری رکھو
—
مجھے بھروسہ ہے اپنے لہو کے قطروں پر
میں نیزے نیزے کو شاخ گلاب کر دوں گا
—
ہم سے پہلے بھی مسافر کئی گزرے ہوں گے
کم سے کم راہ کے پتھر تو ہٹاتے جاتے
—
روز تاروں کو نمائش میں خلل پڑتا ہے
چاند پاگل ہے اندھیرے میں نکل پڑتا ہے
—
ساتھ منزل تھی مگر خوف و خطر ایسا تھا
عمر بھر چلتے رہے لوگ سفر ایسا تھا
—
مری خواہش ہے کہ آنگن میں نہ دیوار اٹھے
مرے بھائی مرے حصے کی زمیں تو رکھ لے
—
صرف خنجر ہی نہیں آنکھوں میں پانی چاہیئے
اے خدا دشمن بھی مجھ کو خاندانی چاہیئے
—
میں آخر کون سا موسم تمہارے نام کر دیتا
یہاں ہر ایک موسم کو گزر جانے کی جلدی تھی
—
یہ ضروری ہے کہ آنکھوں کا بھرم قائم رہے
نیند رکھو یا نہ رکھو خواب معیاری رکھو
—
رشتوں کی دُھوپ چھاؤں سے آزاد ہو گئے
اب تو ہمیں بھی سارے سبق یاد ہو گئے
—
اب تو ہر ہاتھ کا پتھر ہمیں پہچانتا ہے
عمر گزری ہے ترے شہر میں آتے جاتے
—
میں نے اپنی خشک آنکھوں سے لہو چھلکا دیا
اک سمندر کہہ رہا تھا مجھ کو پانی چاہئے
—
روز پتھر کی حمایت میں غزل لکھتے ہیں
روز شیشوں سے کوئی کام نکل پڑتا ہے
—
خیال تھا کہ یہ پتھراؤ روک دیں چل کر
جو ہوش آیا تو دیکھا لہو لہو ہم تھے
—
ہم اپنی جان کے دشمن کو اپنی جان کہتے ہیں
محبت کی اسی مٹی کو ہندستان کہتے ہیں
—
*ہاتھ خالی ہیں ترے شہر سے جاتے جاتے*
*جان ہوتی تو مری جان لٹاتے جاتے*
—
یہ زندگی جو مجھے قرض دار کرتی رہی
کہیں اکیلے میں مل جائے تو حساب کروں
—
‏شہر والوں سے حقارت کے سوا کچھ نہ ملا
زندگی آ تجھے لے جاؤں کسی گاؤں میں
—
*ہمارے منہ سے جو نکلے وہی صداقت ہے*
*ہمارے منہ میں تمہاری زبان تھوڑی ہے*
—
میں آئینوں سے تو مایوس لوٹ آیا تھا
مگر کسی نے بتایا بہت حسیں ہوں میں
—
*لگے کی آگ تو آئیں گے گھر کئی زد میں*
*یہاں پہ صرف ہمارا مکان تھوڑی ہے*
—
اب کے جو فیصلہ ہوگا وہ یہیں پر ہوگا
ہم سے اب دوسری ہجرت نہیں ہونے والی
—
*لوگ ہر موڑ پہ رک رک کے سنبھلتے کیوں ہیں*
*اتنا ڈرتے ہیں تو پھر گھر سے نکلتے کیوں ہیں*
—
مجھ میں کتنے راز ہیں بتلاؤں کیا
بند اک مدت سے ہوں کھل جاؤں کیا
—
منتظر ہوں کہ ستاروں کی ذرا آنکھ لگے
چاند کو چھت پر بلا لوں گا اشارہ کر کے
—
*دو گز سہی مگر یہ مری ملکیت تو ہے*
*اے موت تونے مجھ کو زمیندار کر دیا*

●•●┄─┅━━━★✰★━━━┅─●•●

🔲 *ڈاکٹر راحتؔ اندوری*🔲

*انتخــــــــــاب : اعجاز زیڈ ایچ*