
[ad_1]
پنجاب نے آئی پی ایل 2025 میں لگاتار دوسری جیت درج کر لی ہے۔ اس جیت کے ساتھ ہی پنجاب کی ٹیم پوائنٹس ٹیبل میں 4 پوائنٹس کے ساتھ دوسرے مقام پر پہنچ گئی۔ بنگلورو 4 پوائنٹس کے ساتھ ہی پہلے مقام پر ہے۔

پربھ سمرن سنگھ، تصویر @IPL
پنجاب کنگز نے ایک بار پھر آئی پی ایل 2025 میں اپنی شاندار کارکردگی سے چاہنے والوں کا دل جیت لیا۔ کپتان بدتلے ہی اس ٹیم کے تیور بھی بدلے بدلے نظر آ رہے ہیں۔ شریئس ایر کی کپتانی اننگ اور پربھ سمرن سنگھ کی تیز طرار نصف سنچری کی بدولت پنجاب کنگز نے لکھنؤ سپرجائنٹس کو اس کے گھر میں گھس کر شکست فاش دے دی۔
پہلے بلے بازی کرتے ہوئے لکھنؤ نے 171 رن بنائے تھے اور ہدف حاصل کرنے میں پنجاب کو ذرا بھی دقت پیش نہیں آئی۔ پنجاب نے صرف 16.2 اوورس میں یہ ہدف حاصل کر لیا۔ اس کے ساتھ ہی پنجاب نے آئی پی ایل 2025 میں لگاتار دوسری جیت درج کی۔ اس جیت کے ساتھ ہی پنجاب کی ٹیم پوائنٹس ٹیبل میں 4 پوائنٹس کے ساتھ دوسرے مقام پر پہنچ گئی ہے۔ بنگلورو اس فہرست میں 4 پوائنٹس کے ساتھ پہلے نمبر پر ہے، جبکہ دہلی کیپٹلز کو تیسرا مقام حاصل ہے۔ ان دونوں ہی ٹیموں نے ابھی تک ایک بھی میچ نہیں گنوایا ہے۔
پنجاب کنگز کی شروعات بلے بازی میں بہت اچھی نہیں رہی تھی، کیونکہ پریانش آریہ محض 8 رن بنا کر پویلین لوٹ گئے تھے۔ لیکن اس کے بعد پربھ سمرن اور شریئس ایر نے تیزی کے ساتھ رن بنائے اور لکھنؤ کو دباؤ بنانے کا کوئی موقع نہیں دیا۔ دونوں بلے بازوں نے دوسرے وکٹ کے لیے 84 رن جوڑے۔ پربھ سمرن نے محض 24 گیندوں پر نصف سنچری مکمل کر لی اور انھوں نے 34 گیندوں میں 69 رنوں کا تعانو کیا۔ دوسری طرف بلے بازی کر رہے کپتان شریئس ایر نے بھی 30 گیندوں میں ناٹ آؤٹ 52 رن بنائے۔ چوتھے نمبر پر بطور امپیکٹ پلیئر اترے نیہال وڈھیرا نے بھی محض 25 گیندوں پر 43 رن بنا ڈالے۔
پنجاب کی طرف سے گیندبازی میں عرشدیپ سنگھ کا جلوہ دیکھنے کو ملا۔ بائیں ہاتھ کے اس گیندباز نے 4 اوورس میں 43 رن ضرور دیے، لیکن 3 وکٹ بھی حاصل کر لیے۔ ان کے علاوہ لاکی فرگوسن نے 26 رن دے کر 1 وکٹ، میکسویل نے 22 رن دے کر 1 وکٹ، اور یانسن نے 28 رن دے کر 1 وکٹ حاصل کیا۔ چہل کے نام بھی 1 وکٹ رہا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
[ad_2]
Source link