قطر میں حراست میں ہندوستانی انجینئر، کنبہ نے وزیراعظم مودی سے مداخلت کی لگائی گُہار

گجرات کے رہنے والے انجینئر امیت گپتا قطر میں کئی دنوں سے پولیس حراست میں ہیں۔ کسی فوجداری معاملے کی جانچ کے سلسلے میں امیت کو حراست میں لیا گیا ہے۔ وہیں ذرائع سے ملی اطلاع کے مطابق قطر واقع ہندوستانی کمیشن حراست میں لیے گئے ہندوستانی شہری کی ہرممکن تعاون کر رہا ہے۔ ہندوستانی سفارت خانہ نے کہا ہے کہ وہ امیت کے کنبہ سے رابطہ بنائے رکھیں گے۔ امیت گپتا ٹیک مہندرا میں کام کرتے ہیں۔

قطر کی پولیس نے امیت گپتا کو یکم جنوری کو ہی گرفتار کر لیا تھا۔ امیت کی ماں پشپا گپتا نے میڈیا کو اس بات کی اطلاع دی۔ اب تک یہ نہیں پتہ چل پایا ہے کہ امیت پر الزام کیا ہے اور انہیں کس جرم کے لیے گرفتار کیا گیا ہے۔ گپتا کے کنبہ نے اس معاملے میں مداخلت کرنے کے لیے وزیر اعظم نریندر مودی سے گہار لگائی ہے۔

خاندان والوں کا کہنا ہے کہ امیت گپتا کو ڈاٹا چوری کے معاملے میں پھنسایا گیا ہے۔ وہ بے قصور ہے۔ امیت کی ماں نے قطر جاکر ہندوستانی سفارت خانہ سے بھی رابطہ کیا سفیر نے بھی انہیں تسلی دی۔ وہیں اس معاملے میں اب تک کوئی اَپڈیٹ نہیں ملی ہے۔ بی جے پی رکن پارلیمنٹ ہیمانگ جوشی نے میڈیا سے کہا کہ گزشتہ 10 سال سے امیت گپتا قطر میں ٹیک مہندرا کے لیے کام کر رہے تھے۔

بی جے پی رکن پارلیمنٹ نے کہا، “ان کے والد قطر امیت گپتا سے ملنے کے لیے گئے تھے۔ وہ ایک مہینے تک رہے لیکن ان کی ملاقات نہیں ہو پائی۔ یہ پہلی بار نہیں ہے جب قطر میں کسی ہندوستانی کو اس طرح سے گرفتار کیا گیا ہے۔ سال 2022 میں بحری افواج کے 8 اراکین کو گرفتار کر لیا گیا تھا۔ انہیں بعد میں موت کی سزا سنا دی گئی۔ حالانکہ بعد میں قطر کی ہی عدالت نے انہیں امیر کے حکم پر رہا کر دیا تھا۔