فوٹو : ویب ڈیسک
لاہور: ہنی ٹریپ کا شکار ہونے والے نامور اسکرپٹ رائٹر خلیل الرحمان قمر نے دعویٰ کیا ہے کہ ان کی نازیبا ویڈیوز بندوق کے زور پر بنائی گئی ہیں اور وہ حقیقی ہیں۔
ایک یوٹیوبر سے گفتگو کرتے ہوئے ڈرامہ رائٹر نے تصدیق کی کہ انہیں نازیبا ویڈیوز بنانے کیلئے مجبور کیا گیا تھا۔
خلیل الرحمان قمر کا کہنا تھا کہ انہوں نے یرغمالیوں سے احتجاج بھی کیا کہ وہ بندوق کے سامنے ایسا نہیں کرسکتے لیکن وہ زبردستی کرتے رہے۔
یہ بھی پڑھیں : خلیل الرحمان قمر کی مبینہ نازیبا ویڈیو سوشل میڈیا پر لیک
گزشتہ روز خلیل الرحمان قمر کی زیبا ویڈیوز سوشل میڈیا پر وائرل ہوئیں جس میں انہیں ایک خاتون کے ساتھ دیکھا جاسکتا ہے۔
خلیل الرحمان قمر حال ہی میں ایک جرائم پیشہ گروہ کی جانب سے ہنی ٹریپنگ اسکیم کا نشانہ بنے تھے جس پر انہین تاوان دیکر چھوڑا گیا تھا۔
مزید پڑھیں: خلیل الرحمان قمر کے اغواء میں ملوث 12 ملزمان گرفتار
اغوا کیس کے مرکزی ملزم نے ایک بیان میں کہا تھا کہ ان کے پاس خلیل الرحمان قمر کی دو ویڈیوز ہیں اور دونوں تقریباً ڈیڑھ گھنٹے طویل ہیں۔
ملزم نے کہا کہ ان ویڈیوز میں خلیل الرحمان قمر کو ایک ایسی خاتون کے ساتھ قربت حاصل کرنے کی کوشش کرتے ہوئے دکھایا گیا ہے جس نے مبینہ طور پر اپنے جھانسے میں پھنسا لیا تھا۔