[ad_1]
سابق اسپیکر نینسی پلوسی اسرائیلی وزیراعظم کے کانگریس سے خطاب کے موقع پر ایوان چھوڑ کر چلی گئی تھیں
واشنگٹن: امریکا کی سابق اسپیکر نینسی پلوسی نے امریکی کانگریس سے اسرائیلی وزیراعظم کے خطاب کو تاریخ کا بدترین خطاب قرار دیدیا۔
امریکی نشریاتی ادارے کے مطابق امریکی ایوان نمائندگان کی سابق اسپیکر نینسی پلوسی اسرائیلی وزیراعظم کے کانگریس سے خطاب کے موقع پر ایوان چھوڑ کر چلی گئی تھیں۔
بعد ازاں انھوں نے میڈیا سے گفتگو میں اسرائیلی وزیراعظم نیتن یاہو کے کانگریس سے خطاب کو بدترین خطاب قرار دیتے ہوئے کہا کہ اس خطاب کی تُک سمجھ نہیں آتی۔
خیال رہے کہ سابق اسپیکر نینسی پلوسی کے علاوہ چند اور ارکان اسمبلی نے بھی اسرائیلی وزیراعظم کی پارلیمنٹ میں تقریر کا بائیکاٹ کیا تھا جب کہ مسلم خاتون رکن اسمبلی رشیدہ طلیب نے خطاب کے دوران احتجاجی پلے کارڈ اٹھایا ہوا تھا۔
پارلیمنٹ کے باہر بھی سیکڑوں کی تعداد میں مظاہرین موجود تھے جنھوں نے اسرائیلی وزیراعظم کے خلاف شدید نعرے بازی کی۔ پولیس نے 200 سے زائد مظاہرین کو حراست میں بھی لے لیا۔
اپنے خطاب میں اسرائیلی وزیراعظم نے ان مظاہرین کو ایران کا آلۂ کار قرار دیا۔
[ad_2]
Source link
