نوئیڈا کے کچھ علاقوں میں اے کیو آئی 900 سے متجاوز

دہلی-این سی آر میں زہریلی ہواؤں کا قہر جاری ہے، جس سے لوگ دم گھونٹنے والی فضا میں زندگی گزارنے پر مجبور ہیں۔ فی الحال انہیں کسی قسم کی راحت کی امید نظر نہیں آ رہی۔ منگل کی صبح بھی کئی علاقوں میں ایئر کوالٹی انڈیکس (اے کیو آئی) انتہائی سنگین زمرے میں درج کیا گیا۔ سی این کے مطابق، نوئیڈا-125 میں صبح تقریباً 7 بجے اے کیو آئی 954 تک پہنچ گیا، جبکہ نوئیڈا-116 کا اے کیو آئی 961 ریکارڈ کیا گیا۔

نوئیڈا کی بہ نسبت دہلی کے علاقوں میں حالات کچھ بہتر نظر آئے۔ یہاں آنند وہار کا اے کیو آئی 315، روہنی کا 284، پنجابی باغ کا 279، سونیا وِہار کا 249، وزیر پور کا 268، شری نواس کا 222 اور آر کے پورم کا 214 ریکارڈ کیا گیا۔