سانحہ اے پی ایس کے شہدا کی یاد میں ضلع لاہور اور راولپنڈی میں کل 16 دسمبر کو عام تعطیل کا اعلان کردیا گیا۔
ڈپٹی کمشنر لاہور سید موسیٰ رضا کی جانب سے جاری نوٹیفکیشن میں کہا گیا کہ حکومت پنجاب کی ہدایت پر 16 دسمبر کو لاہور شہر کے تمام سرکاری اور نجی اسکول اور کالجز بند رہیں گے لیکن تمام یونیورسٹیاں کھلی رہیں گی۔
ڈی سی لاہور کا کہنا تھا کہ سرکاری اور نجی اسکولوں اور کالجوں میں چھٹی کے حوالے سے نوٹیفکیشن جاری کر دیا گیا ہے جبکہ نوٹیفکیشن میں سانحہ اے پی ایس کا ذکر نہیں کیا گیا۔
ذرائع نے بتایا کہ حکومت پنجاب نے سانحہ اے پی ایس شہدا سے اظہار یک جہتی کرتے ہوئے کل چھٹی کا اعلان کیا ہے۔
اس کے علاوہ ڈپٹی کمشنرراولپنڈی حسن وقار چیمہ نے بھی عام تعطیل کا نوٹیفکیشن جاری کردیا، نوٹیفکیشن کے مطابق کل ضلع بھر میں عام تعطیل ہوگی اور تمام تعلیمی ادارے بند رہیں گے۔
