سرکاری ملازمین کے لیے تنخواہوں میں کٹوتی سے اہم خبر

دفتری اوقات کی پابندی نہ کرنے والے سرکاری ملازمین کو خبردار کردیا گیا، غفلت برتنے پر تنخواہوں میں کٹوتی ہوسکتی ہے۔

تفصیلات کے مطابق محکمہ خزانہ خیبرپختونخوا نے عوامی شکایات پر نوٹس لیتے ہوئے صوبے بھر کے سرکاری دفاتر اور ڈیپارٹمنٹس کو مراسلہ جاری کردیا۔

محکمہ خزانہ نے صوبے بھر کے سرکاری دفاتر اور ڈیپارٹمنٹس کو مراسلہ جاری کیا ، جس میں ملازمین کو صبح 9 سے شام 5 بجے تک دفتری اوقات کی پابندی کی ہدایت کی گئی ہے۔

مراسلے میں کہا گیا ہے کہ دفتری ذمہ داریوں میں غفلت برتنے والے اہلکاروں کیخلاف کارروائی کی جائے گی اور غفلت برتنے پر تنخواہوں میں کٹوتی، تبادلے اور ملازمین کی تقرریاں کی جائیں گی۔

یاد رہے گذشتہ ماہ اکاؤنٹنٹ جنرل خیبرپختونخوا کی جانب سے سرکاری ملازمین کی تنخواہوں کی بندش کے معاملے پر متعلقہ افسران کو ہدایات جاری کی گئیں تھیں، مراسلے میں کہا گیا تھا کہ سرکاری ملازمین کی تنخواہوں کی غیر ضروری بندش کی شکایات سامنے آئی۔

قوانین کے مطابق تنخواہیں صرف ریٹائرڈ، ٹرانسفر یا برطرفی پر روکی جاسکتی ہیں، مذکورہ وجوہات کے بغیر کسی بھی سرکاری ملازم کی تخواہ نہیں روکی جاسکتی۔