مدارس رجسٹریشن کے بل پر صدر زرداری نے کوئی رکاوٹ نہیں ڈالی، گورنر پنجاب

گورنر پنجاب سردار سلیم حیدر نے کہا ہے کہ مدارس کی رجسٹریشن کے بل پر صدر آصف علی زرداری نے کوئی رکاوٹ نہیں ڈالی۔

چکوال میں میڈیا سے گفتگو کرتے ہوئے انہوں ںے کہا کہ مدارس بل پر علماء کرام کی مختلف تجاویز ہیں جس کو ایک پیج پر لانا ہے، مولانا فضل الرحمان سمیت تمام علماء کرام کو ایک پیج پر لانا ہے۔

سردار سلیم حیدر خان نے کہا کہ مدارس بل کی رجسٹریشن کا ایسا بل لانا ہے جو تمام مدارس والے قبول کریں، تینوں صوبوں میں بلدیاتی الیکشن ہو چکے ہیں صرف پنجاب باقی ہے، اب وقت ہے پنجاب حکومت بلدیاتی انتخابات کا اعلان کرے۔