کوئٹہ:
بلوچستان کے دو علاقوں میں فائرنگ کے واقعات میں دو بھائیوں سمیت چار افراد جاں بحق ہوگئے۔
لیویز ذرائع کے مطابق بلوچستان کے علاقے پشین کلی علیزئی میں دو گروپوں کے درمیان خونی تصادم ہوا جس کے دوران فائرنگ سے دو سگے بھائی جاں بحق ہوگئے۔
واقعے کے بعد مقتولین کی لاشوں کو ضابطے کی کارروائی کیلیے اسپتال منتقل کردیا گیا جبکہ جوان بچوں کی موت پر گھر میں صف ماتم بچھ گیا۔
اس کے علاوہ بلوچستان کے علاقے سنجاوی میں دو گروپوں کے درمیان تصادم اور فائرنگ سے دو افراد جاں بحق ہوئے۔