نائٹ کلب کے باہر زوردار دھماکہ، پولیس اور فارینسک ٹیمیں تحقیقات میں مصروف

دھماکہ میں کسی طرح کا جانی نقصان نہیں ہوا لیکن کلب کے شیشے ٹوٹ گئے۔ زمین پر رکھے گملے پھوٹ گئے اور 7 سے 8 انچ کا گڈھا ہو گیا۔ چنڈی گڑھ پولیس نے فارینسک جانچ ٹیم موقع پر بلائی۔ افسر اور فارینسک ایکسپرٹ جانچ میں لگے ہیں۔ اس سلسلے میں ابھی تک پولیس اور انتظامیہ کی طرف سے کوئی سرکاری بیان سامنے نہیں آیا ہے۔

پولیس کا کہنا ہے کہ یہ معاملہ وصولی سے جڑا بھی ہو سکتا ہے۔ کیونکہ چنڈی گڑھ کے کئی کلب مالکوں سے گینگسٹر وصولی کر چکے ہیں اور کئی کو دھمکی بھی مل چکی ہے۔ کچھ دن پہلے کلبوں میں باؤنسر بھیجنے کی ایجنسی رکھنے والے نوجوان پر بھی رنگداری نہیں دینے پر جان لیوا حملہ کیا گیا تھا۔