راہل نے پوسٹر نکال کر سمجھایا ‘ایک ہیں تو سیف ہیں’ نعرے کا مطلب، کہا ‘ممبئی کی قسمت نشانے پر ہے’

راہل گاندھی نے کہا کہ دھاراوی پروجیکٹ نامناسب ہے اور یہ صرف ایک شخص کو فائدہ پہنچانے کے لیے کیا جا رہا ہے۔ ٹینڈر عمل کیسے شروع کیا جا رہا ہے، صرف ایک شخص کو ہندوستان کے سبھی بندرگاہ، ایئرپورٹ اور پیسہ دیا جا رہا ہے۔ ہمیں اس پر اعتراض ہے۔ سبھی پروجیکٹ مہاراشٹر سے چھین کر دوسروں کو دے دیے گئے ہیں۔ کُل 7 لاکھ کروڑ کے پروجیکٹ اور 5 لاکھ نوکریاں آپ سے چھین لی جاتی ہیں۔

اس موقع پر راہل گاندھی نے ادھو ٹھاکرے کے اس اعلان کی بھی حمایت کی کہ اگر ہم اقتدار میں واپس آئے تو دھاراوی ری ڈیولپمنٹ پروجیکٹ کے ٹینڈر کو پہلی کابینہ میں منسوخ کردیا جائے گا۔ واضح ہو کہ مہاراشٹر میں 288 اسمبلی سیٹوں کے لیے واحد مرحلے میں 20 نومبر کو ووٹنگ ہوگی اور نتائج کا اعلان 23 نومبر کو کیا جائے گا۔