سنبھل دورے پر جا رہے راہل اور پرینکا کو پولیس نے روکا، کانگریس کارکنوں کا شدید احتجاج

سنبھل میں 24 نومبر کو جامع مسجد کے سروے کے دوران پیش آنے والے ہنگامے کے بعد ضلعی انتظامیہ نے پابندیوں میں مزید سختی کر دی ہے۔ اس واقعے میں چار افراد جان سے گئے اور متعدد زخمی ہوئے تھے۔ انتظامیہ نے ان جھڑپوں کے بعد علاقے میں غیر متعلقہ افراد کے داخلے پر پابندی لگا دی تھی، جو 10 دسمبر تک برقرار رہے گی۔ مقامی عدالت نے مسجد کے حوالے سے سروے کرنے کا حکم دیا تھا، جس کے دوران جھڑپیں شروع ہو گئیں۔ ضلعی انتظامیہ کا کہنا ہے کہ حالات معمول پر لانے کے لیے اضافی اقدامات کیے جا رہے ہیں تاکہ امن قائم رکھا جا سکے۔