ملک کی معیشت  کو بہتر بنانے  کے لئے نئی سوچ اور نئی ڈیل کی ضرورت ہے: راہل گاندھی

کانگریس رہنما اور قائد حزب اختلاف راہل گاندھی نے حکومت پر قومی معیشت کی حالت خستہ کرنے کا حکومت پر  الزام لگاتے ہوئے کہا کہ عوام بگڑتی ہوئی معیشت کا بوجھ سے بے حال ہیں۔واضح رہے کہ راہل گاندھی مستقل حکومت کو انتباہ کرتے رہے ہیں کہ ملک کی معیشت کی حالت بہت خراب ہے۔

قائد حزب اختلاف  راہل گاندھی نے کہا، ” ملک کی معیشت کی حالت خراب ہے، لوگوں کی حالت دگرگوں ہورہی ہے ۔ اس صورت حال کو بہتر بنانے کے لیے نئی سوچ اور کوئی وقت ضائع کیے بغیر کاروبار کے لیے نئی ڈیل کی ضرورت ہے۔‘‘

اس کے ساتھ، انہوں نے چارٹ بھی پوسٹ کیا ہے جس میں کہا گیا ہے کہ “جی ڈی پی 5.4 فیصد ہے جو دو سالوں میں سب سے کم ہے اور روپیہ 84.50 روپے فی ڈالر کی سطح پر پہنچ گیا ہے جو ریکارڈ کم ترین سطح ہے۔ اسی طرح ملک میں خوردہ افراط زر کی شرح 6.21 فیصد ہے جو کہ 14 ماہ میں سب سے زیادہ ہے۔ “بے روزگاری کی شرح 45 سالوں میں سب سے زیادہ ہے۔”انہوں نے معیشت کے کئی پہلوؤں پر روشنی ڈالی ہے۔