کراچی:
پولیس نے بینک سے رقم لیکر نکلنے والے شہریوں کو لوٹنے والے گروہ کا اہم کارندہ گرفتار کرلیا۔
اسپیشل انویسٹی گیشن یونٹ پولیس نے ملزم محمد نعیم ولد منیر احمد کو شارع نور جہاں تھانے کے علاقے ناگن چورنگی زین فرنیچر مارکیٹ کے قریب کارروائی میں گرفتار کیا، ملزم کے قبضے سے اسلحہ بھی برآمد ہوا ہے۔
ملزم نے ابتدائی تفتیش میں اپنے ساتھیوں کے ساتھ ملکر ٹیپو سلطان، شارع فیصل، نرسری اورصدر کے علاقوں میں بنے بینکوں سے رقم لیکر نکلنے والے شہریوں سے اسلحہ کے زورپر بھاری رقوم لوٹنے کا انکشاف کیا ہے۔
گرفتار ملزم اس سے قبل بھی متعدد ڈکیتیوں اور اسٹریٹ کرائمز کی وارداتوں میں بھی ملوث رہا ہے، گرفتار ملزم کے خلاف پریڈی، صدر اور ایس آئی یو میں 4 مقدمات درج ہیں، گرفتار ملزم کے خلاف مقدمہ درج کرکے مزید تفتیش شروع کردی گئی۔