’ہمارے خلاف دولت اور ایجنسیوں کا استعمال کیا جا رہا‘، شرد پوار نے انٹرویو میں بی جے پی پر لگایا سنگین الزام

لوک سبھا انتخاب میں نریندر مودی مکمل اکثریت کا ہدف لے کر چل رہے تھے۔ آئین میں ترمیم کے ایشو نے انھیں نقصان پہنچایا۔ خاص طور سے کمزور طبقات نے اس نظریہ کو پوری طرح خارج کر دیا۔ دوسرے، اقلیتوں کے تئیں مودی کے نظریہ کے سبب ایک الگ پالیسی ابھری۔ انتخاب کے بعد ایوان میں مکمل اکثریت حاصل کرنے کے لیے مودی کے پاس نتیش کمار اور چندرابابو نائیڈو پر منحصر رہنے کے علاوہ کوئی متبادل نہیں تھا۔ یہ اشارہ تھا کہ لوگ مودی اور ان کی پالیسیوں سے ناخوش ہیں۔ مہاراشٹر میں بھی اپوزیشن نے زیادہ سیٹیں جیتیں۔ (اسمبلی) انتخاب اسی پس منظر میں ہو رہے ہیں۔

ابھی نہیں کہہ سکتا۔ اس انتخاب کے بعد حکومت نے اپنی پوری مشینری کا بڑے پیمانے پر استعمال کیا اور ’لاڈکی بہن‘ منصوبہ جیسے کئی عوام کو لبھانے والے فیصلے لیے۔ پیسے دے کر ماحول بدلنے کی کوشش کی۔ اس کا تھوڑا بہت اثر ہو سکتا ہے۔ لیکن میں آپ کو ایک الگ کہانی بتاتا ہوں۔ حال ہی میں اپنے سفر کے دوران میں نے کھیتوں میں کام کر رہی 20-15 خواتین کو دیکھا۔ میں نے کار روکی اور ان سے بات کی۔ پوچھا کہ ’لاڈکی بہن‘ منصوبہ کے بارے میں ان کا کیا خیال ہے۔ کیا انھیں پیسے ملے؟ کیا وہ اس سے خوش ہیں؟ سبھی خواتین نے کہا کہ انھیں پیسے ملے، لیکن انھوں نے یہ بھی کہا کہ حکومت نے ایک ہاتھ سے پیسے دیے اور دوسرے سے واپس لے لیے۔ انھوں نے سمجھایا کہ مہنگائی ہی اتنی ہے۔ یہی عام جذبہ ہے۔ کسانوں اور بے روزگار نوجوانوں کو بھی پیسے دیے جا رہے ہیں۔ حکومت الگ الگ طبقات کو الگ الگ طریقے سے لبھا رہی ہے۔

میرا ماننا ہے کہ منصوبوں کا کچھ تو اثر پڑا ہے، لیکن عوام حکومت میں تبدیلی چاہتی ہے اور اگر یہ جذبہ بنا رہا تو ہمیں واضح اکثریت ملے گی۔ دوسری بات، کانگریس، ادھو ٹھاکرے اور این سی پی (ایس پی) کا ہمارا اتحاد کچھ انتخابی حلقوں کو چھوڑ کر ہر جگہ اچھا کام کر رہا ہے۔

ہم نے ابھی نام طے نہیں کرنے کا فیصلہ کیا ہے۔ اگر ہمیں اکثریت ملتی ہے تو ساتھیوں میں سب سے زیادہ سیٹیں حاصل کرنے والی پارٹی یہ طے کرے گی۔

پاٹل نے سمجھداری بھرا فیصلہ لیا ہے۔ ان کے انتخاب نہ لڑنے سے اپوزیشن کو یقیناً ہی فائدہ ہوگا۔ ساتھ ہی انھوں نے حال ہی میں مراٹھا ریزرویشن کے مطالبہ کے ساتھ ساتھ مسلم اور دھنگر ریزرویشن کی حمایت میں بھی بیان جاری کیا ہے۔ اس کا مطلب ہے کہ انھوں نے اپنا دائرہ بڑھایا ہے اور اپنی بنیاد کی توسیع کی ہے۔ اس سے یہ جذبہ بھی بنا ہے کہ وہ او بی سی کے خلاف نہیں ہیں۔

لگ تو ایسا ہی رہا ہے۔

میں ہریانہ گیا ہوں۔ وہاں کانگریس کے بہت سے امیدوار تھے اور کئی آزاد اور باغی بھی تھے۔ شروع میں ہمیں لگا کہ مہاراشٹر میں بھی ایسا ہو سکتا ہے۔ لیکن ان میں سے بیشتر نے اپنے نام واپس لے لیے ہیں۔

پانچ سال پہلے وی بی اے کی حالت الگ تھی۔ اس بار ان کا کوئی خاص اثر پڑنے کا امکان نہیں ہے۔

چھگن بھجبل کے بیان سے یہ بات ثابت ہو جاتی ہے (بھجبل نے کہا ہے کہ انھیں ای ڈی معاملوں کے سبب شرد پوار کی پارٹی چھوڑنی پڑی)۔ ہم سبھی نے اسے دیکھا ہے۔ ہمارے خلاف دولت اور ایجنسیوں کا استعمال کیا جا رہا ہے۔ میں آپ کو ایک مثال دے سکتا ہوں۔ میری بیٹی سپریا سولے چوتھی بار رکن پارلیمنٹ بنی ہیں۔ جب بھی وہ حکومت پر حملہ کرتی ہیں، ان کے شوہر کو انکم ٹیکس نوٹس مل جاتا ہے۔ میرے بھائی کی بیٹیوں پر چھاپے پڑے ہیں۔ مرکزی حکومت نے میرے خاندان کے خلاف بھی ایجنسیوں کا غلط استعمال کیا ہے۔ یہ ایسا انتخاب ہے جس میں ہم اقتدار اور سرکاری ایجنسیوں کا پوری طرح غلط استعمال ہوتے دیکھ رہے ہیں۔ ایسا ہم نے گزشتہ انتخابات میں کبھی نہیں دیکھا۔

کپاس اور سویابین کسان سنگین مسائل کا سامنا کر رہے ہیں۔ قیمتیں گر گئی ہیں۔ زراعت کی لاگت بھی نہیں نکل پا رہی۔ اس لیے ہی کسان بے حد ناخوش ہیں۔ حکومت کا یہ کہنا درست نہیں ہے کہ پیسے مل جانے سے یہ کسان مطمئن ہو گئے ہیں۔ گنے اور اتھنال کے لیے نیشنل فیڈریشن آف کوآپریٹو شگر فیکٹریز نے ایم ایس پی کا مطالبہ کیا ہے۔ انھیں پورا نہیں کیا جا رہا ہے۔ اس کا مطلب ہے کہ یقینی آمدنی والی فصل کے معاملے میں بھی اسی مسئلہ کا سامنا کرنا پڑ رہا ہے۔ مجموعی طور پر چاہے کپاس ہو یا سویابین، یا پھر گنّا، ان کے کسانوں کو پریشانی کا سامنا کرنا پڑ رہا ہے۔

یہ برسراقتدار پارٹی کے فرقہ پرستانہ نظریہ کا ثبوت ہے۔ گزشتہ انتخاب میں بی جے پی کے 5-4 لیڈران ایسے تھے جو آئین بدلنے کی بات کر رہے تھے۔ اس سے حکومت کی اصلی شبیہ ظاہر ہوتی ہے۔ اس سے یہ بھی پتہ چلتا ہے کہ ان کے پاس حصولیابیوں کے نام پر دکھانے کے لیے کچھ نہیں ہے۔ اس لیے فرقہ واریت ہی تنہا ایسی چیز ہے جس پر وہ بھروسہ کر رہے ہیں۔

میں نے ابھی ابھی انتخابی تشہیر شروع کی ہے۔ میں پوری کوشش کر رہا ہوں کہ زیادہ سے زیادہ مقامات تک پہنچ سکوں۔ ابھی سیٹوں کی پیشین گوئی تو نہیں کر سکتا، لیکن مجھے یقین ہے کہ لوگ تبدیلی چاہتے ہیں۔ میں تو بس انتخابی تشہیر پر اور ریاست بھر میں لوگوں تک پہنچنے پر توجہ مرکوز کر رہا ہوں۔