کیلیفورنیا میں دھول بھرے طوفان سے عوامی زندگی مفلوج، ہائی وے بند، بجلی معطل

کیلیفورنیا ہائی وے پیٹرول کے مطابق، مقامی وقت کے مطابق دوپہر ایک بجے کے قریب اس طوفان نے حد نگاہ کو اتنا کم کر دیا کہ ہائی وے 152 پر ایک سیمی ٹرک سمیت تقریباً 20 گاڑیاں آپس میں ٹکرا گئیں، جس کے نتیجے میں کئی افراد کو معمولی زخم آئے اور انہیں ہسپتال منتقل کیا گیا۔

اسی دوران، فریسنو کاؤنٹی میں دھول بھرے طوفان نے بجلی کی لائنیں گرا دیں، جس سے 12000 سے زائد افراد بجلی سے محروم ہو گئے۔ ایک واقعے میں ایک درخت نصف ٹوٹ کر ایک اپارٹمنٹ کمپلیکس کے قریب کار پورٹ پر گر گیا، جس سے قریب کھیلنے والے بچے بال بال بچ گئے۔