سیماپوری اسمبلی حلقہ میں بھی آج کچھ بی جے پی و عآپ لیڈران نے کانگریس کا دامن تھاما۔ سیماپوری اسمبلی حلقہ کے سابق بی جے پی لیڈر راج کمار انجان اور منا لال چوہان کو دیویندر یادو نے کانگریس کی رکنیت دلائی اور امید ظاہر کی کہ وہ کانگریس کے نظریات عوام میں لے کر جائیں گے۔ انھوں نے ان لیڈران و کارکنان کو پارٹی میں شامل کرنے کے بعد کہا کہ یقیناً ان کے ساتھ آنے سے کانگریس کے فتح سے متعلق عزائم کو مضبوطی ملے گی۔