[ad_1]
اسرائیلی یرغمالیوں کی حفاظت پر معمور حماس کے اہلکار کے 2 بچے بمباری میں شہید ہوگئے تھے
غزہ: غزہ میں اسرائیلی یرغمالیوں کی حفاظت پر مامور حماس کے ایک جنگجو نے فائرنگ کرکے ایک قیدی کو ہلاک اور 2 خواتین کو زخمی کردیا تھا۔
عالمی خبر رساں ادارے کے مطابق القسام بریگیڈز کے ترجمان ابو عبیدہ نے حماس کے اہلکار کی فائرنگ میں اسرائیلی یرغمالی کی ہلاکت کے واقعے کی تفصیلات بتادیں۔
ترجمان ابو عبیدہ نے بتایا کہ اسرائیلی یرغمالیوں کی حفاظت پر معمور حماس کے اہلکار کو جب بمباری میں اپنے 2 بچوں کی شہادت کی اطلاع ملی تو وہ ہواس کھو بیٹھا اور ضابطوں کی خلاف ورزی کرتے ہوئے بدلے میں اسرائیلی یرغمالیوں پر فائرنگ کردی۔
حماس کے عسکری ونگ القسام بریگیڈ کے ترجمان ابوعبیدہ نے کہا کہ اس واقعے پر افسوس ہے کیوں کہ یہ قیدیوں کے ساتھ برتاؤ کے حوالے سے مذہبی احکامات اور ہماری اقدار کے خلاف ہے۔
ابو عبیدہ نے اس عزم کا اظہار کیا کہ اسرائیلی یرغمالیوں پر حملے کے بعد حفاظت کو سخت اور مذہبی احکامات کے مطابق برتاؤ کی ہدایت کی گئی ہے۔
یہ خبر بھی پڑھیں : غزہ میں ایک اور اسرائیلی یرغمالی ہلاک اور 2 زخمی ہوگئیں؛ حماس
تاہم ترجمان القسام ابوعبیدہ نے یہ بھی کہا کہ یرغمالیوں کو جن خطرات کا سامنا ہے اس کی وجہ اسرائیل کی جارحانہ پالیسی اور بمباری میں فلسطینی بچوں اور خواتین کو نشانہ بنانا ہے۔
القسام بریگیڈ کے ترجمان نے کہا کہ اسرائیلی فوج فلسطینیوں کی نسل کشی اور اپنے جارحانہ عزائم کو بند کرے جس سے خطے میں اس کے خلاف نفرت جنم لے رہی ہے۔
[ad_2]
Source link