[ad_1]
سپریم کورٹ کے فیصلے پر عملدرآمد نہیں ہو گا، مجھے بلڈوزرچلتا نظر آرہاہے،گفتگو ۔ فوٹو : فائل
لاہور: سینئر سیاست دان فیصل واوڈا نے کہا کہ حکومت وکٹ کے دونوں طرف کھیلے گی تونقصان ہوگا۔
پی ٹی آئی میں کئی دھڑے ہیں، پی ٹی آئی میں فاروڈ بلاک تیار ہے، پی ٹی آئی کے لوگوں کے 37لوگوں کے حلف نامے جمع ہوئے اور 6 یا 7 کے دستخط مشکوک ہیں۔نجی ٹی وی سے گفتگومیں انھوں نے کہا کہ حکومت کے پاس کارکردگی دکھانے کا بہترین موقع ہے، آئی ایم ایف کوخط لکھنے سے ملک کا نقصان ہوگا۔ پی ٹی آئی میں کئی قسم کے نعرے ہیں، انھوں نے مزید کہا کہ ریاست سے کوئی نہیں جیت سکتا۔
9 مئی کوریاست کیخلاف دہشت گردی کی گئی۔فیصل واوڈا نے پیشگوئی کی کہ ستمبراکتوبرمیں سیاسی موسم بہت گرم ہوگا، انھوں نے کہا کہ ملک میں کوئی بھی آئین وقانون پرعمل نہیں کررہا، پی ٹی آئی نے ایک بارپھرزہراگلناشروع کردیاہے، 12 سال پہلے والے بانی پی ٹی آئی بہت بردبارتھے، بانی کی ذاتی زندگی کے حوالے سے کچھ نہیں کہوں گا، ایمانداری سے کام کرنیوالے الگ چوری چکاری کرنیوالوں کوساتھ رکھاہواہے۔
عدالتی فیصلے کے بعد پی ٹی آئی کی مشکلات بڑھ گئی ہیں کیونکہ اب مجھے بلڈوزرچلتا نظر آرہا ہے۔ فیصل واوڈا نے کہا آج جس قسم کی زبان استعمال کی گئی،9 مئی سے نہیں نکل سکتے ،پی ٹی آئی سپریم جوڈیشل کونسل میں جارہی ہے ،وہ لوگ بھی جا رہے ہیں،یہ مسئلہ آئین کا نہیں آئین کی تشریح کا ہے،میرے خیال میں سپریم کورٹ کے فیصلے پر عملدرآمد نہیں ہو گا،ملک ایک آئینی بحران کی طرف بڑھ رہا ہے،آئین بنانے کا اختیار پارلیمنٹ کے پاس ہے، عدلیہ صرف تشریح کر سکتی ہے۔
[ad_2]
Source link
