[ad_1]
کراچی: ملیر انویسٹی گیشن اور آپریشن پولیس نے مشترکہ کارروائی کرتے ہوئے گھریلو خواتین کو ہیپناٹائز کرکے لوٹ مار کرنے والے گروہ کی سرغنہ کو اس کی 5 ساتھیوں سمیت گرفتار کرکے ان کے قبضے سے لاکھوں روپے مالیت کا سامان برآمد کرلیا۔
گرفتار ملزمہ صاحبہ عرف حنا گروہ کی سرغنہ ہے اور گرفتار خواتین میں بابل زوجہ مقبول، کنیز زوجہ فرید، صاحبہ فاطمہ زوجہ محبوب، لبنان زوجہ شان اور سلمہ زوجہ ابرار حسین شامل ہیں۔ گرفتار خواتین کا گروہ گھروں میں خواتین کو ہیپناٹائز کرکے لوٹ مار کرتا تھا۔
ایس پی انوسٹی گیشن عزیر میمن کے مطابق گرفتار خواتین کے خلاف اسٹیل ٹاؤن اور بن قاسم ٹاؤں میں مقدمات درج ہیں، جنہیں 2 متاثرہ فیملیز نے شناخت بھی کرلیا ہے۔ ان سے لاکھوں روپے مالیت کا سامان برآمد کر لیا گیا ہے۔
گرفتار گروہ کے خلاف لاہور، خیرپور، سکھر اور کراچی کینٹ ریلوے اسٹیشن میں مقدمات درج ہیں۔ گرفتار خواتین گھروں میں ٹیوشن اور دم کرنے کے بہانے داخل ہوکر وارداتیں کرتی تھیں۔
پولیس کے مطابق گروہ میں شامل دیگر فرار ملزمان کی تلاش میں چھاپے مارے جا رہے ہیں۔
[ad_2]
Source link
