غزہ میں اسرائیلی بمباری، مزید 15 فلسطینی جان بحق، ہلاکتوں کی تعداد 48 ہزار سے تجاوز

غزہ: غزہ پٹی میں اسرائیلی حملے مزید شدت اختیار کر گئے ہیں، جس کے نتیجے میں گزشتہ 24 گھنٹوں کے دوران مزید 15 فلسطینی جان بحق ہو گئے۔ غزہ کی وزارت صحت کے مطابق، اسرائیلی حملے نہ صرف شہری آبادی کو نشانہ بنا رہے ہیں بلکہ بنیادی ڈھانچے کو بھی تباہ کر رہے ہیں۔

فلسطینی خبر رساں ایجنسی ڈبلیو ایف اے کے مطابق، ہفتے کے روز شمالی غزہ میں اسرائیلی ڈرون حملے میں نو افراد جان بحق ہوئے، جن میں زیادہ تر عام شہری شامل تھے۔ بیت لاحیہ میں ایک گروپ پر حملہ کیا گیا، جبکہ ایک گاڑی کو بھی بمباری کا نشانہ بنایا گیا۔