شاہ رخ خان کی بیوی گوری خان کے اسلام قبول کرنے کی خبر جھوٹ ہے

سوشل میڈیا پر کچھ تصاویر وائرل ہورہی ہیں جن میں بھارتی اداکار شاہ رخ خان، ان کی بیوی گوری اور بیٹا آریان خان قمیص شلوار میں ملبوس خانہ کعبہ کے سامنے موجود ہیں۔

تصاویر کے ساتھ یہ تاثر بھی دیا جارہا ہے کہ شاہ رخ خان نے اپنی فیملی کے ساتھ عمرہ کی ادائیگی کی ہے اور ان کی اہلیہ گوری خان اسلام قبول کرچکی ہیں۔

تاہم فیکٹ چیک سے یہ بات ثابت ہوئی ہے کہ یہ تمام تر تصاویر جعلی اور آرٹی فیشل انٹیلی جنس سافٹ ویئرز سے بنائی گئی ہیں، جن کا حقیقت سے کوئی تعلق نہیں۔

اداکاروں کے اصل سوشل میڈیا اکاؤنٹس پر ایسی کوئی تصویر یا بات شیئر نہیں کی گئی جس سے ظاہر ہو کہ وہ عمرہ ادائیگی پر گئے تھے یا گوری نے اسلام قبول کیا ہے۔

شاہ رخ خان یا گوری خان کی جانب سے بھی میڈیا پر کوئی ایسا آفیشل بیان سامنے نہیں آیا، جس کی بنیاد پر یہ قیاس آرائی کی جائے۔ جبکہ اے آئی سے بنائی گئی کچھ تصاویر میں موجود خامیاں بھی اس جانب نشاندہی کررہی ہیں کہ یہ تصاویر جعلی ہیں۔

دلچسپ بات یہ ہے کہ اے آئی سے بنائی گئی ان غلطیوں سے بھرپور تصاویر پر بھی کئی سوشل میڈیا صارفین اعتبار کررہے ہیں۔ تاہم یہ تصاویر سراسر جعلی ہیں۔