راہل گاندھی کا ہاتھرس کے متاثرہ خاندان سے ملاقات کا اعلان، دہلی سے روانہ

ہاتھرس معاملہ

ہاتھرس کے بولگڑھی گاؤں میں 14 ستمبر 2020 کو 19 سالہ دلت لڑکی زخمی حالت میں ملی تھی۔ متاثرہ اپنی ماں اور بھائی کے ساتھ قریبی چاندپا تھانے پہنچی، جہاں اس کے بھائی نے الزام لگایا کہ گاؤں کے ایک نوجوان سندیپ نے اس کے ساتھ زیادتی کی۔ حالت بگڑنے پر اسے ابتدائی طبی امداد کے بعد علی گڑھ مسلم یونیورسٹی کے جے این میڈیکل کالج منتقل کر دیا گیا۔

اگلے دن یعنی 15 ستمبر کو پولیس میں ایف آئی آر درج کروائی گئی، جس میں یہ الزام شامل تھا کہ لڑکی کو گھسیٹ کر اس کا گلا دبایا گیا اور اسے قتل کرنے کی کوشش کی گئی۔ تاہم، 19 ستمبر کو متاثرہ نے بیان دیا کہ سندیپ کے ساتھ دو دیگر افراد نے بھی اس پر حملہ کیا اور اس کی زبان کاٹ دی۔