کسانوں کا حکومت سے مذاکرات کا مطالبہ، آج انتظار کل دہلی مارچ کا اعلان

ہریانہ پولیس نے مظاہرین کو روکنے کے لیے شمبھو بارڈر پر بیریکیڈنگ کے ساتھ ساتھ دیگر سخت اقدامات کیے، جس میں موبائل انٹرنیٹ اور ایس ایم ایس خدمات کو معطل کرنا بھی شامل تھا۔ مظاہرین نے حکومت پر کسان دشمن رویہ اختیار کرنے کا الزام لگایا اور کہا کہ وہ پرامن مارچ کرنے کے لیے پرعزم ہیں۔

کسان لیڈر نے مزید کہا کہ مظاہرین نے اپنے مطالبات کا چارٹر متعلقہ حکام کو پیش کیا ہے اور وہ حکومت کے ردعمل کا انتظار کر رہے ہیں۔ مظاہرین نے کہا کہ وہ اپنی تحریک کو پرامن اور مضبوط رکھنے کے لیے ہر ممکن قدم اٹھائیں گے۔