پانچ کھلاڑیوں پر 100 کروڑ روپے خرچ، پنت-ایئر سمیت دیگر کھلاڑیوں پر پیسوں کی بارش

سعودی عرب کے جدہ میں جاری میگا نیلامی میں فرنچائزز نے صرف 5 کھلاڑیوں پر 100 کروڑ روپے خرچ کر چکی ہیں۔ وکٹ کیپر بلے باز رشبھ پنت اور مڈل آرڈر بلے باز شریاس ایئر نے آئی پی ایل میگا نیلامی میں تمام ریکارڈ توڑ دیے۔ یہ دونوں کھلاڑی 2025 میگا نیلامی میں سب سے مہنگے فروخت ہوئے۔ رشبھ پنت کو لکھنؤ سپر جائنٹس نے 27 کروڑ روپے میں خریدا، جبکہ شریاس ایئر کو پنجاب کنگس نے 26.75 کروڑ روپے میں خریدا۔ رشبھ پنت پچھلے سال دہلی کیپیٹلس میں شامل تھے، لیکن دہلی کیپیٹلس نے انہیں ریلیز کر دیا تھا۔ ان کا بیس پرائز 2 کروڑ روپے تھا۔ پنت ایک بہترین وکٹ کیپر کے ساتھ ساتھ بہترین کپتان بھی ہیں۔ عین ممکن ہے کہ لکھنؤ انہیں کپتان بنا ، کیونکہ لکھنؤ نے اپنے پچھلے سیزن کے کپتان کے ایل راہل کو ریلیز کر دیا ہے۔

شریاس ایئر پچھلے سال کولکاتا نائٹ رائڈرس کے کپتان تھے، ان کی کپتانی میں کولکاتا نے پچھلے سال آئی پی ایل کا فائنل بھی جیتا تھا۔ حالانکہ کولکاتہ نائٹ رائڈرس نے ایئر کو ریلیز کر دیا تھا۔ ایئر بہترین بلے باز ہونے کے ساتھ ہی ایک بہترین کپتان بھی ہیں۔ ان کا بیس پرائز 2 کروڑ روپے تھا۔ ممکن ہے کہ پنجاب کنگس ان کو کپتان بنا سکتی ہے۔ پنجاب کنگس نے ایئر کے ساتھ ساتھ چہل اور ارشدیپ کو بھی خریدا ہے۔ ان دونوں کا بیس پرائس بھی 2 کروڑ تھا، پنجاب کنگس نے ارشدیپ اور چہل کو 18-18 کروڑ روپے میں خریدا۔

اب تک کے میگا نیلامی میں جن کھلاڑیوں پر پیسوں کی بارش ہوئی۔ ان میں 4 ہندوستانی کھلاڑیوں کے علاوہ ایک غیر ملکی کھلاڑی کو بھی اچھی قیمت ملی۔ انگلینڈ کے وکٹ کیپر بلے باز جوش بٹلر کو گجرات ٹائٹنس نے 15.75 کروڑ روپے میں خریدا۔ بٹلر کا بیس پرائز بھی 2 کروڑ تھا، بٹلر اس سے پہلے راجستھان رائلس کی طرف سے کھیلتے رہے ہیں۔ اس بار ان کو راجستھان نے ریلیز کر دیا تھا۔ میگا نیلامی کی پیسوں کی بارش میں صرف 5 کھلاڑیوں پر ہی فرنچائزز نے 100 کروڑ روپے خرچ دیئے۔ 1-رشبھ پنت 27 کروڑ 2- شریاس ایئر 26.75 کروڑ 3- ارشدیپ سنگھ 18 کروڑ 4- یوجویندر چہل 18 کروڑ 5- جوش بٹلر 15.75 کروڑ۔