مخصوص نشستوں کی الاٹمنٹ اور خیبرپختونخوا میں سینیٹ انتخابات سے متعلق الیکشن کمیشن کا اہم اجلاس کل طلب کر لیا گیا، الیکشن کمیشن کا اجلاس کل صبح ساڑھے گیارہ بجے ہوگا۔
اجلاس میں چیف الیکشن کمشنر، ممبران اور حکام شریک ہوں گے جبکہ اجلاس میں شرکت کے لیے متعلقہ ونگز کو ہدایات جاری کردی گئی ہیں۔
الیکشن کمیشن کے اہم اجلاس میں خیبرپختونخوا میں سینیٹ انتخابات کے انعقاد سے متعلق غور کیا جائے گا جبکہ مخصوص نشستوں کی الاٹمنٹ کا معاملہ بھی ایجنڈا میں شامل ہے۔
اجلاس میں پشاور ہائیکورٹ میں سینیٹ الیکشنز سے متعلق سماعت پر غور ہوگا الیکشن کمیشن لا ونگ عدالتی احکامات سے متعلق آگاہ کرے گا جبکہ الیکشنز ونگ انتخابی تیاریوں و رکاوٹوں سے متعلق آگاہی فراہم کرے گی۔