راہل گاندھی نے مزید کہا کہ ’’یہ ثابت ہو چکا ہے کہ اڈانی نے نہ صرف ہندوستانی قوانین کی خلاف ورزی کی ہے بلکہ امریکی قوانین کی بھی دھجیاں اڑائی ہیں۔ وہ اس بات پر حیران ہیں کہ اڈانی کیوں آزادانہ طور پر گھوم رہے ہیں جب کہ ان پر سنگین الزامات ہیں۔‘‘
اس دوران، سابق وزیر اعلیٰ اور آر جے ڈی کے سربراہ لالو پرساد یادو نے بھی اڈانی کی گرفتاری کی مانگ کی ہے۔ انہوں نے کہا کہ راہل کا موقف درست ہے اور اڈانی کو گرفتار کیا جانا چاہیے کیونکہ یہ معاملہ ملک کی ساکھ سے جڑا ہوا ہے۔