راستوں اور پبلک ٹرانسپورٹ کی بندش کے باعث لاہور سے دیگر شہروں کو آنے اور جانے والے مسافروں کا ریلوے اسٹیشن پر رش بڑھ گیا۔
لاہور سے روزانہ 12 سے 15 ٹرینیں آتی اور جاتی ہیں۔ مختلف راستے بند ہونے اور پبلک ٹرانسپورٹ میں کمی کے باعث ہزاروں مسافروں نے ریلوے اسٹیشن کا رخ کرلیا۔ ریلوے ذرائع کا کہنا ہے کہ صورتحال کو دیکھتے ہوئے ریلوے نے اضافی ٹرینیں چلانے کا فی الحال کوئی فیصلہ نہیں کیا ہے۔ جس کے پاس بکنگ اور ٹکٹ ہے وہ ہی سفر کرسکے گا۔
پاکستان تحریک انصاف( پی ٹی آئی) کے احتجاج کے باعث شہر کی مختلف شاہراہیں بند ہیں جبکہ ٹرانسپورٹ بھی متعدد علاقوں میں بند ہے جس کی وجہ سے شہریوں کو مشکلات کا سامنا ہے۔