محمد یونس پر بلوائی ہجوم میں شرکت، سازش اور کانسٹیبل رتن لال کے قتل میں معاونت جیسے سنگین الزامات ہیں۔ تاہم، عدالت نے حالات میں تبدیلی کو مدنظر رکھتے ہوئے انہیں دس ہزار روپے کے ذاتی مچلکہ پر مشروط ضمانت دے دی۔
پریس بیان کے مطابق، محمد یونس کے اہل خانہ نے جمعیۃ علماء ہند کے صدر مولانا محمود مدنی کا شکریہ ادا کیا، جنہوں نے فرقہ وارانہ فسادات کے متاثرین کو انصاف دلانے کے لیے قانونی مدد فراہم کی۔ اہل خانہ نے جمعیۃ کی کوششوں کی تعریف کی، جو اب تک 585 افراد کو ضمانت دلانے اور 65 کو بری کروانے میں کامیاب رہی ہے۔