آئی جی ایف سی کی لورالائی کے قبائلی عمائدین سے ملاقات

ضلع لورالائی میں آئی جی ایف سی بلوچستان (نارتھ) نے لورالائی کے قبائلی عمائدین و علماء کرام سے ملاقات کی۔

ملاقات میں بلوچستان میں امن کی بحالی کے لیے قبائلی عمائدین اور علما نے اظہار یکجہتی کیا،اس موقع پر سول انتظامیہ کے افسران اور ایف سی حکام بھی موجود تھے۔

ملاقات میں علاقے میں قانون کے نفاذ کو یقینی بنانے کی بھی یقین دہانی کرائی گئی، قبائلی عمائدین اور علما نے بلوچستان میں امن کے قیام میں قانون نافذ کرنے والے اداروں کے کلیدی کردار کو خراجِ تحسین پیش کیا۔

قبائلی عمائدین نے حکومت بلوچستان اور افواج پاکستان کی جانب سے علاقے کی ترقی اور امن و امان کے قیام کے لیے کیے جانے والے اقدامات پر مکمل اعتماد اور اطمینان کا اظہار کیا، قبائلی عمائدین نے علاقے میں امن و امان کے قیام کے لیے تمام اداروں کے ساتھ بھرپور تعاون کا یقین دلایا۔