امریکہ کی جانب سے عالمی ادارہ صحت سے انخلا کے بعد عالمی سطح پر اس بات پر تشویش ہے کہ امریکہ مستقبل میں وائرسز اور بیماریوں کے پھیلاؤ کے حوالے سے اہم معلومات شیئر کرنا بند کر سکتا ہے۔ اس صورتحال میں عالمی برادری کو یہ خوف لاحق ہے کہ اگر امریکہ نے معلومات کا تبادلہ روک دیا، تو دنیا بھر میں کسی نئے وائرس کے پھیلاؤ کو روکنے میں مشکلات پیش آئیں گی۔
حال ہی میں امریکی ریاست نیواڈا میں برڈفلو کا ایک نیا نوع کا کیس سامنے آیا ہے، جس سے صورتحال مزید پیچیدہ ہو گئی ہے۔ سائنسدانوں کا خیال ہے کہ یہ وائرس اور بھی تیزی سے پھیل سکتا ہے، اور اگر فوری طور پر اس پر قابو نہ پایا گیا تو یہ زیادہ خطرناک ثابت ہو سکتا ہے۔