اونٹ اپنی کمر پر بڑے کوہان کے لیے جانا جاتا ہے جو کبھی کبھی ہمارے ذہنوں میں یہ سوال پید کرتا ہے کہ اونٹوں کے کوہان کیوں ہوتے ہیں؟ ان کا کام کیا ہے؟۔
اونٹ کی سب سے نمایاں خصوصیات میں سے ایک اس کا کوہان ہے۔ اس تحریر میں ہم اونٹ کے کوہان پر بات کریں گے اس کے جسمانی نظام میں اس کے کردار کو زیرِبحث لائیں گے۔
اگرچہ کوہان دور دراز علاقوں میں سفر کرتے وقت سواروں کے لیے سہارا فراہم کرتے ہیں لیکن اونٹوں کے لیے کوہان ہونے کی ایک اور بہتر وجہ ہے۔
اونٹ کا کوہان وہ جگہ ہے جہاں اونٹ چربی جمع کرتا ہے۔ اونٹ اس چربی کو توانائی کے لیے وہاں استعمال کرتے ہیں جہاں کھانا تلاش کرنا مشکل ہوتا ہے۔
جو لوگ اونٹ خریدتے اور بیچتے ہیں وہ اونٹ کے کوہان کا سائز بھی دیکھتے ہیں تاکہ یہ معلوم کیا جا سکے کہ اونٹ کتنا صحت مند ہے۔
کوہان جتنا بڑا ہوگا اونٹ اتنا ہی صحت مند ہوگا۔ ایک اچھی طرح سے کھلایا ہوا اونٹ کا کوہان کمزور نہیں ہوگا اور نہ ہی خراب نظر آئے گا۔
اونٹ کا کوہان ناقابل یقین حد تک غذائیت سے بھرپور چربی کے ذخائر سے بھرا ہوتا ہے۔ درحقیقت اونٹ کی چربی کے ایک چمچ ناریل کے تیل سے تین گنا زیادہ اولیک ایسڈ (اومیگا 9 فیٹی ایسڈ) کی حامل ہوتی ہے۔ یہ اونٹ کے لیے ایندھن کا ایک بہت ہی موثر اور طاقتور ذریعہ ہے۔